Molliqaj: Zgjidhja për Urën e Ibrit vjen nga tavolinat e Brukselit, jo nga veprimet e kadetëve policorë
Kryetari i Partisë Socialdemokrate, Dardan Molliqaj, ka vlerësuar se zgjidhja për Urën e Ibrit s’gjendet në veprimet e kadetëve policor, por në tavolinat e Bruskelit.
Sipas tij, vetëm kështu mund të ndalen dramat e përditshme policore.
“E vërteta e zhveshur është se ura e Ibrit nuk është vetëm një strukturë fizike që zgjidhjen e gjen në veprimet e kadetëve policor të instrumentalizuar nga politika, por në tavolinat e Brukselit. Atje ku duhet të shtyhet fuqishëm çështja e ripërcaktimit të kufijve nëse nuk duam dramë të përditshme policore, e probleme socio-ekonomike të vazhdueshme”, ka shkruar Molliqaj në rrjetin social ‘Facebook’.
Nga këndvështrimi i tij ura është kthyer si kufi i brendshëm.
“Dështimi i këtij eksperimenti nuk është veç testim, është kthim mbrapa. Sepse bashkë me të sot e kemi prishjen e raporteve me aleatët, kemi draft më të keq për asociacionin, dhe nënvizimin e ri për urën. Pra problemi qenka politik, e jo i rendit e ligjit, jo i kokëfortësisë së liderëve”.
Duke thënë se Veriu s’ka qenë asnjëherë çështje guximi apo kokëfortësie.
“Politika nuk është garë kush po e mbanë më gjatë frymën. Edhe me statusquo edhe me asociacion telashet për Kosovën veç sa nisin”.
Forcat dhe mjetet e shtuara të misionit paqeruajtës të NATO-së, KFOR, kanë sqaruar se rritja e numrit të pjesëtarëve të saj ka ndodhur për shkak të disa trajnimeve periodike që janë duke kryer tek Ura e Ibrit në Mitrovicë.
KFOR-i përmes një përgjigje për Albanian Post tha se kjo po bëhet për të testuar procedurat dhe për të ruajtur standardet më të larta operacionale.
“Forcat dhe mjetet e shtuara të misionit paqeruajtës të NATO-s, KFOR, të cilat u vunë re edhe të mërkurën në urën e Ibrit në Mitrovicë, janë të përkohshme dhe pjesë e një trajnimi periodic”, ka thënë KFOR-i për AP.
Të njëjtit kanë thënë se janë duke e monitoruar situatën e sigurisë në Veri të Kosovës dhe mbesin vigjilent.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel