MM: 8 vatra zjarri aktive në të gjithë vendin

8 vatra zjarri janë aktualisht aktive në të gjithë territorin e vendit.

Ministria e Mbrojtjes njoftoi se gjatë ditës së sotme, Qendra Kombëtare Operacionale e Emergjencave Civile në AKMC ka raportuar shuarjen e shtatë vatrave të zjarrit.

Puna po vijon deri në shuarjen përfundimtare të vatrave aktive në qarqet Vlorë, Shkodër, Korçë dhe Tiranë.

Ministria e Mbrojtjes bën të ditur se asnjë nga këto vatra nuk paraqet rrezik për zonat e banuara.

Në aksionet e sotme, përveç forcave të Emergjencave Civile të pushtetit vendor, u angazhuan edhe 60 efektivë të Forcave të Armatosura.

Zjarrfikësit prej ditësh kanë vijuar të luftojnë me flakët në Kroaci dhe Shqipëri, ndërsa valët e të nxehtit dhe thatësira pushtuan kombet.

Qindra hektarë pyje janë djegur nga flakët.

Policia ka arrestuar të paktën pesë persona për vënien e zjarrit dhe u ka bërë thirrje gjuetarëve të jenë të kujdesshëm pasi vendi po përballet me valën e të nxehtit.

Temperaturat e larta, erërat dhe javët e thatësirës kanë përshpejtuar përhapjen e zjarreve në Shqipëri dhe vende të tjera të Ballkanit – duke detyruar banorët vendas të evakuohen

Zjarrfikësit janë duke luftuar me flakët masive në Kroaci, të cilat tashmë kanë konsumuar mijëra hektarë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.