![](https://albanianpost.com/wp-content/uploads/2023/05/kfori-2.jpg)
Në mbrëmjen e 29 majit, një aeroplan nga Hungaria ka udhëtuar në Kosovë, për të ofruar kujdes mjekësor dhe për t’i rikthyer në shtëpi ushtarët hungarez të KFOR-it, të cilët janë plagosur gjatë përleshjeve në Zveçan.
Lajmi është bërë i ditur përmes një deklarate të publikuar nga Forcat e Mbrojtjes Hungareze dhe mediave hungareze.
“Në mbrëmjen e 29 majit, avioni Air Honveg i Forcave të Armatosura hungareze u nis për në vendngjarje nga Kecskemet për t’u kujdesur dhe sjellë në shtëpi ushtarët hungarezë të plagosur në detyrën e shpërndarjes masive të urdhëruar në vendbanimin Zveçan në Kosovë”, thuhet në komunikatë.
Po ashtu është theksuar se gjeneral-major Ferenc Kajari, kreu i Shtabit të Përgjithshëm të Shtabit të Përgjithshëm të Honved, është gjithashtu nga Abadena, i rrethuar nga mjekë të ushtrisë.
Pas arrestimit të pesë serbëve të cilët dyshohet se janë përfshirë në sulme ekstreme të dhunshme ndaj ushtarëve të KFOR-it, policisë dhe gazetarëve në Veri të Kosovës, vetëm dy prej tyre janë dërguar në mbajtje.
Ky lajmi është bërë i ditur përmes raportit 24-orësh të Policisë së Kosovës, ndërsa është sqaruar se vendimi është marrë me urdhër të Prokurorisë Speciale.
Dita e dytë që serbët po protestojnë
Është dita e dytë me radhë që serbët në Zveçan, Leposaviq dhe Zubin Potok po protestojnë, duke kundërshtuar kryetarët e rinj shqiptarë.
Kërkese e tyre po ashtu është që të tërhiqen njësitë speciale të Policisë së Kosovës nga veriu i Kosovës.
Më 26 maj, tensionet në Veri u rritën, atëherë kur krerët e rinj të Zveçanit, Leposaviqit dhe Zubin Potokut, kishin hyrë nën përcjelljen e policisë në ndërtesat komunale.
Ndërkaq, më 29 maj, protestuesit u përleshën me trupat e misionit paqeruajtës të NATO-s në Kosovë, KFOR.
Nga kjo përleshje 41 trupa të KFOR-it u lënduan dhe dhjetëra protestues.
Nga pamjet që vijnë nga Zveçani ishte parë një numër i ushtarëve të shtrirë në tokë, pas lëndimeve të marra.
Ambasadorët e Shteteve të Bashkuara të Amerikës e Britanisë së Madhe kanë kërkuar që të ndalet menjëherë dhuna ndaj pjesëtarëve të KFOR-it.
Kryetarët e rinj shqiptarë u zgjodhën në zgjedhjet e parakohshme të 23 prillit.
Këto zgjedhje u mbajtën pas dorëheqjes së kryetarëve të mëparshëm komunale nëntorin e 2022.
Kryetarët e mëparshëm vinin nga Lista Serbe partia kryesore e serbëve në Kosovë, e cila nuk mori pjesë në zgjedhje dhe procesi u bojkotua nga serbët lokalë.
Policia e Kosovës, të martën situatën në komunat veriore e ka përshkruar “si të brishtë”, por që nga ky institucion i sigurisë është thënë se po vazhdohet të punohet për stabilizimin e situatës dhe ruajtjen e sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com