Mickoski kërkon që Kuvendi të miratojë deklaratën për paqe dhe mbrojtjen e integritetit të Ukrainës

Maqedonia e Veriut është një vend i krijuar nga zelli për liri dhe drejtësi dhe për këtë është një mbështetje për Ukrainën ka thënë kryetari i VMRO-DPMNE-së, Hristijan Mickoski në manifestimin në Veles “Ndryshimet që sjellin të ardhmen – 100 ditë llogaridhënie e pushtetit lokal të VMRO-DPMNE-së”, duke shtuar se Deklarata për paqen në Ukrainë dhe mbrojtjen e integritetit të saj duhet të miratohet në Kuvend.

“Të gjithë kemi përgjegjësi ndaj qytetarëve dhe prandaj më vjen keq që nuk mund të bëj më për të parandaluar atë që po ndodh atje”.

“Më vjen keq që nuk jam aq i fuqishëm në aspektin gjeostrategjik për ta bërë këtë, por di një gjë që duhet t’i jepet një shans paqes dhe diplomacisë, negociatave dhe bisedimeve diplomatike. Sepse kjo është e ardhmja për të gjithë ne”, ka thënë Mickoski.

Ai ka akuzuar se LSDM-ja po bën politikë, kush në cilën anë ka qenë, siç tha ai, “numëron pëlqime në rrjetet sociale ndërsa ka një aksident të tillë me qindra të vdekur”.

“Ndërsa Kovaçevski po shiste Maqedoninë duke negociuar për identitetin, duke shkelur qilima të kuq të trashë dhe duke u ulur në kolltuqe të rehatshme prej lëkure në Bruksel, duke folur me Petkovin, duke shitur dinjitetin”.

“Para 20 ditësh në selinë e VMRO-DPMNE-së kam pasur një takim me ambasadorin e Federatës Ruse dhe duke e parë në sy i thashë qartë se mbështes integritetin territorial dhe sovranitetin e çdo shteti të pavarur si p.sh. Ukrainën”, ka thënë ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.