Michael Masi shkarkohet nga pozita e drejtuesit të garës në Formula 1

Është marrë sot vendimi që Michael Masi të shkarkohet nga pozita e drejtuesit të garës në Formula 1.

Michael Masi, që është ndër emrat më të përmendur të Formula 1 qysh nga përfundimi i garës së AbuDhabi-t gjatë sezonit që lamë pas – më nuk do të jetë vendimmarrësi kryesor sa i përket garave të sportit më të shpejtë në botë.

Ky vendim është marrë sot, pas mbledhjes të krerëve të FIA-s.

Mirëpo, Masi nuk do të shkarkohet nga FIA, ai thjeshtë nuk do të jetë më drejtues gare.

Polemikat e shumta të shkaktuar pas finales në Abu Dhabi, ku Masi morri një vendin që sipas Mercedes i favorizoi RedBull-in, i kanë shtyrë drejtuesit e FIA-s të largojnë Masi-n nga pozita.

Ai së shpejti do të marrë një pozitë të re brenda zyrave të Federatës së Automobilizmit.

Niels Wittich dhe Eduardo Freitas do të jenë drejtuesit e ri të garës, duke ndarë detyrën në dysh.

Përveç largimit të Masi-t, FIA ka vendosur që të mos ketë komunikime mes drejtuesve të garës dhe drejtuesve të skuadrës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.