Meta ‘sfidon’ Dumanin: Ilir Meta do jetë gjithmonë këtu, SPAK-u tarallaku ta harrojë PL-në

Kreu i Partisë së Lirisë, Ilir Meta, nuk i ka ndaluar sulmet nga kreut të Prokurorisë së Posaçme (SPAK), Altin Dumani.

Në konferencë për media, Meta tha se “për SPAK tarallakun se mos i ka ngelur hatri njeriu kam këtë mesazh”.

“Ilir Meta është këtu e do jetë gjithmonë këtu. Edhe në ‘92 kur e thërrisnin çdo javë për të ikur për tu larguar jashtë vendit që të mos arrestohej përgjigja ishte pse prisni një javë ju ja ku më keni. Bëjeni punën dhe madhëria ju falënderon. Më thirri mua një prokuror më erdhi fletëthirrja. Edhe e kishte lënë derën hapur ai Lona. Edhe tha sekretarja hyni. Ai si figurë e madhe pas ishte dritarja edhe bënte sikur nuk kuptonte me poza ke parasysh ti, prokuror i jashtëzakonshëm…”.

Ai ka theksuar se le të sekuestrojë të gjitha pasuritë.

“Florinjtë e Ilir Metës, e ka thënë Tedi. Ku janë Tedi florinjtë? Shtëpi vila, le ti sekuestrojnë të gjitha. Do vë një krevat te shtëpia e nënë lirisë. Ose te Partia e Lirisë. Por PL ta harrojë SPAK-u torallaku. Se i bëhet ajo që bëhet shembull në të gjithë botën. Italia kishte Antonio Di Pietron. E dini ça ishte Di Pietro, hajdutë tenderash… Siç i përdorte Nano disa hajde ti biem Metës… Ne jemi për reformën në drejtësi që arreston Edi Ramën. Atë e ka paralajmëruar drejtori i prokurimeve”, tha Meta.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.