Sport

Sport

Messi e konfirmon transferimin në Inter Miami dhe tregon arsyen që nuk shkoi te Barcelona

Nga albanianpost

7 Qershor 2023 / 21:31

Lionel Messi e ka konfirmuar që do të bashkohet me skaudrën amerikane, Inter Miami-n.

Shtatë herë fituesi i Topit të Artë ishi i lidhur me një rikthim te Barcelona, por nuk e bëri. Në një deklaratë së fundmi, ai shpjegoi pse e bëri këtë vendim.

“Doja vërtetë të kthehesha, do të ishte një emocion i madh. Por, nga ana tjetër, pasi përjetova atë kur u largova, nuk doja ta kisha përsëri një ndjenjë të tillë”, tha Lionel Messi, cituar nga “Mundo Deportivo”.

“Doja të merrja vendimin tim, duke menduar për veten time, për familjen time. Edhe pse dëgjova se thuhej se La Liga kishte pranuar gjithçka dhe se gjithçka ishte në rregull që unë të kthehesha, kishte ende shumë gjëra të tjera”, shtoi Messi.

“Dëgjova se ata duhej të shisnin lojtarë ose të ulnin pagat e lojtarëve të tjerë dhe e vërteta është se unë nuk doja ta kaloja këtë, ose të merrja përgjegjësinë për të marrë diçka që kishte të bënte me gjithë këtë”.

“Kam qenë i akuzuar për shumë gjëra që nuk ishin të vërteta në karrierën time në Barcelona dhe jam lodhur me këto gjëra, nuk doja t’i përjetoja prapë”.

Messi kishte ofertë edhe nga Arabia Saudite, nga skuadra e Al Hilal, të cilët raportohej se i kishin ofruar 400 milionë euro neto në sezon.

Por, argjentinasi la të kuptohej se ai nuk zgjodhi paratë, por një jetë të lumtur për të dhe familjen e tij.

“Jam në një moment ku dua të dal pak nga fokusi i mediave dhe mendoj më shumë për familjen time. Kalova dy vite në të cilat isha aq keq në nivel familjar sa nuk e shijova. Dua të takohem sërish me kënaqësinë e familjes sime, të fëmijëve të mi dhe të ditës”.
“Nëse do të kishte qenë çështje parash, do të kisha shkuar në Arabi ose diku tjetër. Mua më janë dukur shumë para. E vërteta është se vendimi im përfundimtar shkon diku tjetër dhe jo për shkak të parave”, tha mes tjerash Lionel Messi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • Lionel Messi
  • Inter Miami

    • Të fundit nga rubrika

    Lajmet kryesore

    Më të shikuarat

    Historia e jashtëzakonshme e shkollës së parë shqipe në Kosovë: Mësuesit, nxënësit, lëndët dhe librat e parë nga vitet 1800

    5d Lajme

    Robert Fico është në gjendje të qëndrueshme pas operacionit

    3d Lajme

    Rreth 400 mijë euro u investuan për rregullimin e stadiumit të Vitisë – por ende është jashtë funksionit

    4d Video

    Gjyla dhe Sheqa, ribashkohet çifti që kaq shumë u mungoi shqiptarëve

    3d Kulturë