Mesazhi i eurodeputetëve për Serbinë: Po s’e pranuat marrëveshjen me Kosovën, do bëheni vend i izoluar sikurse Irani
Deputetët e Parlamentit Evropian ua kanë bërë të qartë homologëve të tyre në Parlamentin e Serbisë se çfarë mund të ndodhë nëse Serbia nuk është konstruktive në arritjen e një “marrëveshjeje finale” gjithëpërfshirëse për normalizimin e marrëdhënieve me Kosovën në bazë të propozimit të Bashkimit Evropian.
“Nëse marrëveshja nuk pranohet, Serbia nuk do të jetë një ishull, por një shtet sikurse Irani në Evropë”, tha një eurodeputet, raporton rrjeti ballkanik i lajmeve N1.
Eurodeputetët raportohet të kenë thënë se presidentit të Serbisë, Aleksandër Vuçiç, në takimin me “pesëshen e madhe” më 20 janar i është thënë se hyrja e Serbisë në BE mund të arrihet në vitin 2030 dhe se kjo paketë duhet të zbatohet për të gjitha vendet e Ballkanit Perëndimor.
Ligjvënësit e BE-së diskutuan nivelin e harmonizimit të Serbisë me politikën e jashtme dhe të sigurisë të BE-së, me theks të veçantë mosrespektimin e sanksioneve të BE-së ndaj Rusisë ndërsa shprehën shqetësimin për rënien e mbështetjes publike për anëtarësimin e Serbisë në BE dhe investimet e Rusisë dhe Kinës në Serbi.
Delegacioni i Parlamentit Evropian për dialog ndërpartiak, i udhëhequr nga Vladimir Bilçik dhe Matjaz Nemec, qëndruan për vizitë në Serbi të premten ku kanë biseduar me deputetë në Kuvendin e Serbisë.
Ndryshe, se Serbia do të përballet me sanksione të ashpra nëse nuk e pranon propozimin franko-gjerman, e tha vetë presidenti serb në një konferencë për media të hënën e javës së kaluar, pas takimit me top-diplomatët evropiano-amerikanë si Miroslav Lajçak, Gabriel Escobar, Jens Plotner, Emmanuel Bonne dhe Francesco Talo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi thotë se ka dorëzuar në SPAK provat për Olsi Ramën
-
Ministrja e Malit të Zi: Do ta përkrahim anëtarësimin e Kosovës në KiE
-
Meta kallëzim në Prokurori: Persona të paidentifikuar kanë vjedhur një hard disk në zyrën e Partisë së Lirisë
-
Lajçak, ambasador në Zvicër – Stano thotë se “s’i komentojmë spekulimet e mediave”
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes