Kryetari i Grupit Parlamentar të Demokratëve, Gazment Bardhi është paraqitur në SPAK për të dorëzuar telefonin  që të verifikojë disa mesazhe intimiduese në adresë të tij.

Bardhi ka sqaruar se mesazhet kanë mbërritur në platformën e komunikimit “Signal” nga një numër i paidentifikuar, me emër përdoruesi “Mbreti Zog”.

“E dorëzova telefonin personal për këqyrjen e nevojshme dhe për të dhënat e nevojshme të SPAK, për të verifikuar mesazhet shantazhuese në platformën signal. Dua të qartësoj se ka media që edhe sot janë pjesë e skemës sepse i paraqesin të dhënat në dy procesverbale. Nuk bëhet fjalë për përgjim real. Janë prodhuar për qëllime kriminale. Ka ndodhur edhe me persona të tjerë”.

Bardhi shtoi se “po mbledh të dhënat edhe për mediat që i pasqyrojnë si të vërteta se po bëhen pjesë e skemë shantazhuese e deputetëve të Kuvendit”.