Në Aeroportin Ndërkombëtar “Nënë Tereza” është ulur avioni i parë që pas situatës së krijuar ditën e djeshme më 7 prill.
Ashtu siç bëri të ditur në deklaratë ministrja e Infrastrukturës dhe Energjisë, Belinda Balluku, avioni i “Air Albania” ka mbërritur nga Stambolli me sasinë e radhës së vaksinave.
“Me një ditë vonesë për shkak të tentativës çmendurake për bllokimin e fushatës së vaksinimit dhe nxitjen e rrëmujës në prag të zgjedhjeve, mbërrijnë 100,000 vaksina të tjera anticovid”, shkruan kryeministri Edi Rama në një postim në median sociale Facebook.
Të pranishëm në ambientet e aeroportit ishin Balluku, ministrja e Shëndetësisë Ogerta Manastriliu dhe ministri i Shtetit për Rindërtim, Arben Ahmetaj.
“Vaksinat arritën pas një vështirësi që kemi pasur dje pas një greve të paligjshme nga kontrollorët.Parashikohen fluturimet esenciale”, tha Balluku në fjalën e saj.
Ndërkohë Manastirliu e ka cilësuar ngjarjen si “të paprecedentë”.
“Sipas saj situata vuri në risk planin e vaksinimit masiv”, theksoi ministrja më tej.
Ministri Ahmetaj sqaroi se është marrë autorizimi për të negociuar për 50 mijë doza Sputni-V që do të vijnë javën e ardhshme.
Ditën e djeshme kontrollorët e Albcontrol ndërprenë punën duke shkaktuar bllokimin e fluturimeve në aeroport.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
