Shqipëria

“Më shumë aksidente rrugore në Shqipëri gjatë 2021-shit”


Në dhjetorin e 2021-shit në Shqipëri, sipas raportit të fundit të publikuar nga Instituti i Statistikave (INSTAT), u numëruan gjithsej 119 aksidente rrugore, nga 113 aksidente të ndodhura po në të njëjtin muaj të vitit paraardhës.

Shifrat flasin për një rritje me 5.3 për qind, krahasuar me dhjetorin e vitit 2020.

Ndërkaq, periudha janar deri në dhjetor 2021 ka një rritje prej 11.5 për qind të aksidente të ndodhura në vendin tonë.

Gjithsej numërohen 1 mijë e 376 aksidente rrugore, krahasuar me të njëjtë periudhë të një viti më parë me 1 mijë e 234.

Krahasuar me vitin 2019, numri i aksidenteve është ulur në 8,1 %.

Numri i vdekjeve nga aksidentet rrugore në vitin 2021, të muajit dhjetor ka ardhur në rritje.

Nga 13 që ishin një vit më parë, ky numër ka shkuar në 21, thuhet në raport.

Ndërsa, sa i përket gjithë periudhës së vitit 2021, numri i të vdekurve nga aksidentet rrugore është 197 persona nga 181 persona të vdekur në vitin 2020 dhe nga 227 persona të vdekur në vitin 2019.

Numri më i lartë i aksidenteve në këtë periudhë është kryer nga grup-mosha 25–34 vjeç, duke zënë 25.2 % të numrit të aksidenteve.

Kështu, aksidentet në këtë grup-moshë janë ulur me 11.8 %, krahasuar me të njëjtën periudhë të një viti më parë.

Gjithashtu bëhet me dije se në vitin 2021, aksidentet rrugore, në 15.3 % të rasteve, kanë ndodhur si pasojë e sjelljes së këmbësorit.

Gjatë kësaj periudhe, numri i aksidenteve sipas sjelljes së këmbësorit është rritur 17.3 %, krahasuar me të njëjtën periudhë të një viti më parë.

Krahasuar me vitin 2019, numri i aksidenteve, sipas sjelljes së këmbësorit, është ulur me 3,7 %.

/Albanianpost.com


Lajmet kryesore