Sa herë mund t’i keni parë këto çizme të kuqe, të dalin në faqet tuaja të Instagram-it, Tik Tok, Facebook, apo media të tjera sociale?
Nuk është çudi në fakt që marka MSCHF, një shtëpi e modës, e cila është e bazuar në New York dhe vetëm me këto detaje stilistike ekstravagante merret, të jetë frymëzuar nga një personazh i manga-ve japoneze, i njohur si Astro Boy, për të realizuar trendin e ri.
“Këto çizme janë bërë për të ecur”, shkruhet në slogan, ashtu sikundër edhe në këngën e njohur të Nancy Sinatra, e cila u risoll në vitin 2009 nga Jessica Simpson në kujtesë.
Por, jo për të ecur shumë shpejt…
Të stërmëdha, të kuqe, të kushtueshme 350 dollarë dhe normalisht…qesharake!
Sërish, në mënyrë të pakuptueshme, ato e kanë pushtuar rrjetin mbarë, me miliona shikime, pëlqime dhe me nevojën “urgjente” të njerëzve për t’i pasur.
“Sa shumë më nevojiten këto çizme tani”, shkroi me të mëdha poshtë postimit të MSCHF një ndjekës i faqes. “Ato çizme do të jenë të miat”, replikonte një tjetër.
Teksa, veta kompania, ideja që kërkohet të jepet, është ajo e abstraksioneve të filmave vizatimorë, të cilat i japin imagjinatës lirinë e duhur për t’i ikur realitetit.
Veçse kostoja, vjen më e lartë, në kushtet kur jemi mësuar vitet e fundit me fustane të rehatshëm “pandemikë”, duke qëndruar në shtëpi e duke mos ia vënë shumë veshin të tjerëve mbi si duhet të vishemi.
Po ndryshojnë sërish epokat dhe detajet e modës, për të shkuar drejt disa qesharakeve “të nevojshme”?
Ndoshta ka ardhur koha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
