![](https://albanianpost.com/wp-content/uploads/2023/04/034d0000-0aff-0242-4f52-08dad9ccfa7c_w1080_h608.jpg)
Tri pompa derivatesh janë mbyllur të martën në Veri, në bashkëpunim mes Policisë së Kosovës dhe dhe Agjencisë Kosovare të Privatizimit.
Lajmin për Albanian Post e ka konfirmuar zëdhënësi i Policisë së Kosovës për rajonin e Veriut, Veton Elshani.
“Sot, Policia e Kosovës ka asistuar Agjencinë Kosovare të Privatizimit në verifikimin e pronave të tyre. Një pompë e benzinës në Mitrovicë të Veriut, një në Zubin Potok dhe një në Ujman janë mbyllur”.
Elshani ka shtuar se “AKP ka qenë në prezencë të inspektorëve të MTI-së dhe ATK-së” duke theksuar se “çdo gjë ka kaluar pa probleme”.
Më 27 qershor, Policia e Kosovës në bashkëpunim me Agjencinë e Inteligjencës, kishin identifikuar në dy lokacione në Veri kamera vëzhguese të kamufluara për monitorim të lëvizjeve të qytetarëve – të cilat dyshohet se janë përdorur në vazhdimësi nga institucionet e sigurisë së Serbisë.
Lajmin për Albanian Post e kishin konfirmuar nga Policia e Kosovës.
“Këto kamera dyshohet se janë përdorur në vazhdimësi nga institucionet e sigurisë së Serbisë. Lidhur me këtë rast janë të identifikuar dy persona të cilët janë me interes që të intervistohen nga ana jonë”, kishin thënë nga polica.
Kamera ilegale ishin konfiskuar edhe në të kaluarën nga Policia e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com