Mbretëresha Elizabeth II feston 69-vjetorin e ngjitjes në fron

69-vjetorin e ngjitjes në fron, mbretëresha Elizabeth II, e festoi larg syve të publikut dhe medias në kështjellën Ëindsor.

Kjo edhe për shkak të pandemisë së koronavirusit ku Mbretëresha ka kaluar një pjesë të madhe të kohës në Ëindsor.me princin Philip dhe me një grup të vogël të stafit të besuar

Në një postim në tëitter të familjes mbretërore shkruhet : “Në këtë ditë në vitin 1952, mbretëresha hipi në fron pas vdekjes së babait të saj, mbretit George VI”.

Babai i saj, mbreti George VI, vdiq më 6 shkurt në Sandringham.

Mbretëresha Elizabeth ka lindur në 21 Prill 1926 në Londër dhe  u bë mbretëresha e Britanisë së Madhe dhe Irlandës Veriore më 6 shkurt 1952.

Elizabeta ishte fëmija më i madh i Princit Albert dhe Dukeshës së York-ut, dhe e fundit në vargun e fëmijëve të familjes mbretërore britanike që arsimohej në shtëpi.

Kur lindi, ajo ishte e treta në radhë për fronin, pas xhaxhait të saj Princit Edward dhe babait të saj Dukës së York-ut, Albert, prandaj nuk pritej që ajo të hipte një ditë në fron. Por historia kishte plane të tjera për Elizabetën.

Në dhjetor 1936, princi trashëgimtar i fronit, xhaxhai i saj Eduard, deklaroi se hiqte dorë nga froni për t’u martuar me gruan që dashuronte, një amerikane të divorcuar që në bazë të rregullave të trashëgimisë mbretërore ishte e papranueshme si bashkëshorte për një mbret të ardhshëm.

Babai i Elizabetës u bë Mbreti George VI, ndërsa Elizabeta automatikisht pretendentja e parë në radhën e trashëgimisë.

Lawrence Goldman, profesor historie në Londër thotë se ky ishte momenti historik në jetën e saj të mbretërimit.

E njohur për përpjekjet e saj për të modernizuar institucionin e monarkisë,  Elizabeth e festoi Jubileun e saj të  diamantë në virin  2012.

Shoqata Britanike e Shtypit, njoftoi se vitin e ardhshëm do të ketë një ditë shtesë pushimi,  kur mbretëresha të festojë jubileun e saj të platinit (70- vjetorin).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.