![](https://albanianpost.com/wp-content/uploads/2023/08/359469702_1258340572228864_607700378443153188_n.png)
Shërbimi Spitalor Klinik dhe Universitar i Kosovës (ShSKUK), ka bërë të ditur se Klinika e Pediatrisë në Qendrën Klinike Univeristare të Kosovës është mbingarkuar për shkak të vizitave emergjente që ka pasur në gjashtë muajt e parë të vitit 2023.
Lajmi është bërë i ditur përmes një komunikate për media nga ShSKUK-ja.
“19 mijë e 364 vizita emergjente pediatrike ka pasur për gjashtë muajt e parë të vitit 2023, në kuadër të Klinikës së Pediatrisë, duke e bërë njërën nga klinikat më të ngarkuara në Qendrën Klinike Universitare të Kosovës”.
Nga ky shërbim është thënë se 3 mijë fëmijë janë spitalizuar.
“Prej tyre ka pasur 3 mijë e 400 fëmijë të spitalizuar për trajtim të mëtejmë, me mbi 25 mijë ditë shërimi për fëmijët, e po ashtu, 10 mijë vizita ambulantore, në profile të ndryshme pediatrike”.
Edhe në gusht të 2021, Klinika e Pediatrisë e Qendrës Klinike Universitare të Kosovës, ishte mbingarkuar me fëmijë që po kërkojnë trajtim spitalor pothuajse në periudhë të ngjashme kohore si tani.
Nga ShSKUK-ja në 2021, ishte thënë se vetëm gjatë muajit korrik të 2021, në klinikën e Pediatrisë janë trajtuar mbi tre mijë raste.
Ndryshe, në të njejtën periudhë kohore QKUK-ja ishte mbingarkuar nga pacientët me COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zana Spahiu ofron dorëheqje nga pozita e u.d drejtoreshës së RTK-së
-
KFOR-i angazhohet në shuarjen e zjarreve në Kosovë e Shqipëri
-
Bajrami kërkon hetime për “gjithçka” që ka ndodhur në RTK
-
Gjermania porosi Kosovës dhe Serbisë: Stop politikës ‘ma bëre, ta bëra’ që vendosë pengesa të reja në rrugën drejt normalizimit