Policia e Kosovës, ka bërë të ditur se të mërkurën në Gjilan është identifikuar një automjet me targa vendore për të cilin njësitet e Task Forcës-DRK-Lindje, kishin informacion se merret me kontrabandim të mallrave nga republika e Maqedonisë së Veriut në Kosovë.
Lajmi është bërë i ditur përmes një komunikate dërguar mediave nga Ministria e Punëve të Brendshme.
“Policia e Kosovës, Drejtoria Rajonale e Policisë Kufitare Lindje, në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në teren”.
“Me datën 05.07.2023 rreth orës 22:00 në rrugën Stançiq-Gjilan është identifikuar një automjet BMË me targa vendore për të cilin njësitet e Task Forcës–DRK-Lindje kishin informacion se merret me kontrabandim të mallrave nga republika e Maqedonisë veri në Republikën e Kosovës”, thuhet në komunikatë.
Tutje, në komunikatë janë sqaruar edhe sasia e kontrabanduar që është bërë nga Policia.
“Automjeti i lartcekur është arrit të ndalohet në hyrje të Gjilanit dhe gjatë kontrollit në ulëset e prapme dhe në bagazh të veturës kishte të ngarkuar (25) thasë duhan të përpunuar me peshë rreth 250 kilogram dhe për të cilin mall nuk posedonte asnjë dokument mbi prejardhjen, andaj dyshohet për kontrabandë”.
Kurse, lidhur me rastin është thënë se të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli dërgohet në terminalin doganor për procedura të mëtejme
Edhe në raport të Policisë së Kosovës, është thënë se në Hajvali po ashtu është arrestuar një i dyshuar pasi tek i njëjti janë gjetur substanca të dyshuara narkotike.
“Është arrestuar i dyshuari mashkull kosovar pasi që gjatë kontrollit tek i njëjti janë gjetur dhe konfiskuar 6 qese me substancë të dyshuar narkotike e llojit Kokainë me peshë prej 2.6 gram, marihuanë me peshë prej 1.2 gram dhe një peshore”.
“Pas intervistimit me vendim të prokurorit i dyshuari lirohet në procedurë të rregullt”, thuhet në raport.
Edhe në Fushë Kosovë është arrestuar i dyshuari mashkull kosovar pasi gjatë kontrollit tek i njëjti është gjetur në posedim dhe konfiskuar 5.35 gr. substancë e dyshuar narkotike e llojit marihuanë.
Me vendim të prokurorit i dyshuari është liruar, ndërsa për rastin është thënë se vazhdon në procedurë të rregullt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
“FAZ”: Kurti argumentoi se s’mund t’ua imponojë serbëve draft-statutin e QUINT-it
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”