![](https://albanianpost.com/wp-content/uploads/2023/06/FTgYdIrXEAAyF9F.jpeg)
Superylli i PSG-së, Kylian Mbappe bën shaka se është “e vështirë” të flet mirë për Inter-in, pasi ai është një tifoz i Milan-it.
Reprezentuesi francez foli për “La Gazzetta dello Sport” dhe nuk diskutoi vetëm të ardhmen e tij në PSG.
Marrëveshja aktuale e Mbappe-s skadon në vitin 2024 dhe ai tashmë ka informuar gjigantët e Ligue 1 se nuk do të aktivizojë opsionin për ta vazhduar atë deri në vitin 2025.
“Sapo kam konfirmuar se nuk dua të aktivizoj klauzolën për të qëndruar edhe një sezon. Unë kurrë nuk kam diskutuar një zgjatje të kontratës me PSG-në. Por jam i lumtur që do të qëndroj këtu sezonin e ardhshëm”, konfirmoi ai.
Le verità di Mbappé: "Io voglio vincere, ma al Psg ci sono carenze. Tifo Milan per Berlusconi" https://t.co/vD4n1byawy
— GazzaMondo (@ETGazzetta) June 13, 2023
Duke folur për Serinë A, Mbappe u pyet për mendimet e tij për finalen e Ligës së Kampionëve mes Inter-it dhe Manchester City-t, por edhe Romës dhe Fiorentina-s që u mposhtën në finalet e Ligës së Evropës dhe Ligës së Konferencës.
“Si një tifoz i Milan-it, është e vështirë të flasësh mirë për Inter-in, por ata e përgatitën mirë ndeshjen, duke shkaktuar telashe për Manchester City-n”, tha Mbappe.
“Ndeshja u vendos për disa detaje. Fatkeqësisht, kështu është futbolli. Inter-i duhet të jetë i kënaqur me paraqitjen e tyre, por urime City-t”, shtoi ylli francez.
“Turp për italianët, por ishte mirë për futbollin italian. Fiorentina dhe Roma gjithashtu dëshmojnë se mund të bëjnë mirë pa buxhet siç kanë PSG, Man City apo klube të tjera të mëdha evropiane”.
“Kështu nënshkruan lojtarë cilësorë. Unë e kam ndjekur Serinë A që kur jam fëmijë. Sigurisht që Ronaldo ka sjellë më shumë shikueshmëri në një ligë shumë taktike, ku niveli në përgjithësi është i ngritur”.
PSG ka bërë investime të mëdha gjatë sezoneve të fundit duke u përpjekur ta fitojë Ligën e Kampionëve. Ata arritën në finale në vitin 2020, por u mposhtën nga Bayern Munich.
“Të gjithë duan të fitojnë Ligën e Kampionëve, por ju gjithmonë keni nevojë për angazhim maksimal ose do të gjeni një ekip që ju kujton se gjërat duhet të merren si të mirëqena,” vuri në dukje Mbappe.
“Jo shumëkush mendoi se Inter-i mund të arrinte në finale, përkundrazi, gati sa nuk e fituan. Njëri duhet të punojë mirë për të qenë më i mirë se të tjerët”, shtoi Mbappe.
Reprezentuesi francez njihet si tifoz i Milan-it dhe kishte një mesazh për familjen e Silvio Berlusconi-t pas vdekjes së ish-presidentit kuqezi.
“Ngushëllimet e mia shkojnë për familjen e tij. Është një humbje e madhe për futbollin, ai ishte presidenti historik i Milan-it që më bëri të ëndërroja si fëmijë. Shpresoj që fansat ta nderojnë ashtu siç e meriton”, përfundoi Mbappe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com