Lajme

Mbahet seanca e parë e gjyqësore e vrasjes së George Floyd


Gjatë seancës gjyqësore për çështjen e vrasjes së George Floyd, të zhvilluar më 29 mars, një dëshmitar ka rrëfyer skenën e ngjarjes pak minuta para së të humbiste jetën Floyd. Ndërkohë gjykimi do të jepet për policin e bardhë amerikan, Derek Chauvin, i akuzuar për vrasjen e tij.

Donald Williams, tha përpara prokurorisë, se Floyd ishte “duke u zbehur ngadalë”, gjatë nëntë minutave që Chauvin i vendosi gjurin midis kokës dhe qafës së tij.

Avokati i Chauvin-it, argumentoi se ushtrimi i forcës nga ana e policit ishte “jo tërheqës por i domosdoshëm”.

Ky gjyq po ndiqet nga shumë amerikanë, si një moment thelbësor në marrëdhëniet racore.

Incidenti ndodhi në maj të vitit 2020. Chauvin u kap në video duke vendosur gjurin në qafën e Floyd, një njeri me ngjyrë të zezë, në qytetin e Minneapolis.

Kjo ngjarje shkaktoi protesta në Shtetet e Bashkuara të Amerikës (SHBA), dhe në të gjithë botën kundër brutalitetit të policisë dhe racizmit.

Chauvin, është përjashtuar nga policia. Ai i mohon akuzat për vrasje të qëllimshme, ku dënimi është deri në 40 vjet burg.

Tre oficerë të tjerë të pranishëm, Tou Thao, J Alexander Keung dhe Thomas Lane, do të dalin në gjyq më vonë gjatë vitit.

Çfarë u dëgjua në ditën e parë të gjykimit?

Donald Williams, një sipërmarrës 33-vjeçar, tha se po hynte në dyqanin Cup Foods, në Minneapolis, Minesota, kur ai u gjend përballë momentit të arrestimit të Floyd.

Ai tha se nuk hyri në dyqan pasi “nuk kishte drita”.

Në vend të kësaj, ai u afrua pranë policëve që po arrestonin Floyd dhe i nxiti që të kontrollonin pulsin e të ndjerit.

Ai i tha gjykatës se mund të shihte se jeta e Floyd ishte duke u larguar.

“Ai u zbeh ngadalë si një peshk në një thes. Sytë e tij u rrotulluan ngadalë derisa ai nuk kishte më jetë në trupin e tij”.

Në fillim të gjykimit, prokurorët filluan duke treguar videokasetën e gjatë nëntë minutëshe, e filmuar nga kalimtarët e rastit. Video-ja tregonte Chauvin-in duke vendos gjurin e tij midis kokës dhe qafës së 46-vjeçarit, Floyd.

Prokurori Jerry Blackwell u tha anëtarëve të jurisë se Floyd tha 27 herë se ai nuk mund të merrte frymë.

Kaseta provon se Chauvin ishte “duke u sjellë në një mënyrë jashtëzakonisht të rrezikshme, pa marrë parasysh ndikimin e tij në trupin e George Floyd”.

Avokati i mbrojtjes Eric Nelson, në deklaratat e tij hapëse, tha se provat “janë shumë më të mëdha se nëntë minuta dhe 29 sekonda” të xhirimeve video.

Ai tha se provat do të tregonin se Floyd “vdiq nga një aritmi kardiake, që ndodhi si rezultat i hipertensionit, sëmundjes koronare, marrjes së metamfetaminës, fentanilit dhe adrenalinës që kishte përdorur”.

Gjykata dëgjoi gjithashtu dëshmitë nga telefonatat e policisë 911. Jena Scurry, nga dyqani Cup Foods, njoftoi policinë se George Floydu, po përdorte një kartëmonedhë të falsifikuar prej 20 dollarësh.

Një aparat fotografik i fiksuar në anë të ndërtesës e lejoi atë të shikonte se si po zhvillohej arrestimi. Ajo pranoi që shikimi i saj ishte sporadik ndërsa bënte thirrje të tjera, por u tha anëtarëve të jurisë se ajo mendoi se “ekranet ishin ngrirë” për shkak të kohëzgjatjes së kohës që Floyd u mbajt në tokë dhe u shqetësua se diçka mund të mos shkonte mirë.

Gjykata dëgjoi gjithashtu nga një prej atyre që filmuan incidentin, Alisha Oyler, e cila kishte punuar në një dyqan aty pranë.

Para fillimit të gjyqit, familja e Floyd, avokatët dhe aktivistët e të drejtave civile u gjunjëzuan jashtë gjykatës për sa kohë që Chauvin mbajti gjurin në qafën e Floyd.

Çfarë dimë më shumë për gjyqin?

15 juristë nëntë gra dhe gjashtë burra u zgjodhën fillimisht. Nëntë prej tyre të bardhë dhe gjashtë të zi ose multiracial.

Një anëtar i jurisë, i cili ishte një mundësi rezervë në rast se një anëtar i jurisë do të hiqej para se të fillonte procedimi, u shkarkua të hënën dhe gjyqi filloi me 12 juristë dhe dy zëvendësues.

Ata do të mbeten anonimë dhe nuk do të ekspozohen gjatë gjithë gjyqit televiziv. Gjyq pritet të zgjasë rreth katër javë.

Shtëpia e gjykatës në Minneapolis-in qendror është rrethuar me barriera betoni dhe tela me gjemba.

Pengesat në gjyq

Ekspertët ligjorë thanë se marrëveshja mund ta bëjë edhe më të vështirë vendosjen e një jurie të paanshme në çështjen kundër Chauvin-it, e cila tashmë ishte një sfidë për shkak të vëmendjes së dhënë për vdekjen e Floyd dhe demonstratave intensive që pasuan.

Pagesa e madhe ishte një shenjë e madhësisë së përgjigjes ndaj vdekjes së Floyd-it, që shkaktoi aq shumë protesta në mbarë botën.

Dy vite më parë, Minneapolis pranoi të paguante 20 milionë dollarë familjes së Justine Ruszczyk, një instruktor i yogës, i cili u qëllua për vdekje nga Mohamed Noor, një oficer policie somalez.

Pse kjo çështje është bërë e bujshme?

Për shumë njerëz, vdekja e Floyd, u bë një simbol i gjallë i brutalitetit të policisë. Veçanërisht kundër njerëzve me ngjyrë dhe kjo shkaktoi demonstrata në mbarë botën për drejtësi racore.

Por, përkundër protestës globale, kjo nuk është një çështje e hapur dhe e mbyllur. Në SHBA, policia rrallë herë dënohet për vrasjet që ndodhin ndërsa janë në detyrë.

Vendimi në këtë rast do të shihet gjerësisht si një tregues se si sistemi ligjor amerikan trajton vrasjet që ndodhin ndërsa policët janë në detyrë.

Dëmshpërblimi ndaj familjes së Floyd

Qyteti i Minneapolis-it ra dakord më 13 mars, për t’i paguar 27 milionë dollarë familjes së George Floyd.

Kjo shifër është ndër më të lartat dhënë më parë për të zgjidhur padinë e një familjeje.

Kryebashkiaku i qytetit e quajti marrëveshjen “një moment historik për të ardhmen e Minneapolis-it”.

Sakaq, Ben Crump, avokati i të drejtave civile dhe përfaqësues i familjes së Floyd, e cilësoi vendimin si shembull për komunitetet e tjera.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore