Shqipëria

Matematika jo problem për maturantët, Kukësi rekord me mesataren 9


Testimi i matematikës nuk ka qenë një problem për maturantët në Shqipëri, ndryshe nga ai i gjuhës shqipe dhe letërsisë, ku janë hasur vështirësi dhe ankesa prej nxënësve.

Sipas njoftimit zyrtar, në total, prej 29 mijë e 829 maturantësh, mbetës kanë qenë vetëm 1 mijë e 729. Nga ana tjetër, 234 syresh, kanë qenë ekselentë me notën 10.0.

Kalueshmëria në provim ka qenë prej 94.2% ndërsa nota mesatare në gjithë Shqipërinë, është 6.88.

Qarku i cili ka arritur rekordin absolut për notën mesatare është Kukësi, ku mesatarja e gjithë qarkut është 9.

Pavarësisht se në provimin e matematikës ka pasur më shumë nxënës mbetës, rezultatet kanë qenë ndjeshëm më të mira se sa ato të publikuara për lëndën e gjuhës shqipe dhe letërsisë.

Aty me notë ekselente u vlerësuan vetëm katër nxënës. Megjithatë, kalueshmëria ishte më e lartë, pasi vetëm 383 nxënës rezultuan mbetës.

/Albanianpost.com


Lajmet kryesore