H. Martin McDowell ka filluar shërbimin prej datës 1 gusht si i Ngarkuari i Përkohshëm me Punë në Ambasadën e SHBA-ve në Tiranë.
Ky vendim është marrë për të mbuluar vakancën diplomatike pas largimeve të ambasadores Yuri Kim dhe zëvendësit të saj Damian Smith.
Martin është një anëtar karriere i Shërbimit të Lartë të Jashtëm dhe punonte si Drejtor i Zyrës për Çështjet e Evropës Jugore Qendrore (EUR/SCE).
Ai së fundmi shërbeu si Zëvendës Shef i Misionit në Ambasadën e SHBA-ve në Chisinau, Moldavi.
Detyrat e tij të mëparshme jashtë shtetit përfshijnë Sllovakinë, El Salvadorin, Moldavinë (2004-2007) dhe Slloveninë.
Në Washington, përpara pozicionit të tij aktual, Martin shërbeu si Zëvendës Drejtor në Zyrën për Çështjet e Evropës Qendrore, Asistent Special për Evropën në Zyrën e Nënsekretarit për Çështjet Politike dhe Zyrtar i Tavolinës për Norvegjinë dhe Suedinë.
Lindur dhe rritur në Alabama, Martin mori një Master nga Universiteti i Alabama-s në vitin 1996 dhe një Master në Studime Strategjike nga Kolegji i Luftës së Ushtrisë së SHBA-ve në vitin 2010.
Martin flet rumanisht, rusisht, çekisht, sllovenisht, spanjisht dhe sllovakisht.
Senati amerikan do të miratonte më herët kandidaturën e diplomatit David Kostelancik si ambasador i ri i Shteteve të Bashkuara të Amerikës në Shqipëri.
Vetë Kostelancik, i emëruari i presidentit amerikan Joe Biden, ka parashtruar përballë Komisionit për Marrëdhëniet me Jashtë në Senatin amerikan, të gjitha përparësitë e tij si ambasador, në mandatit që e pret në rast konfirmimi në këtë post.
Thelbi për të, mbetet tek forcimi i institucioneve demokratike dhe atyre të drejtësisë në vend, si parësore të dyja për të luftuar korrupsionin dhe krimin e organizuar.
“Kjo është një sfidë kryesore për vendet e Ballkanit Perëndimor. Përparimi i reformës në drejtësi do të ndihmojë përparimin e Shqipërisë drejt integrimit evropian”, shtoi ai përballë senatorëve amerikanë.
Një nga sektorët e bashkëpunimit të ngushtë mes dy vendeve, tha ambasadori i emëruar, do të jetë forcimi i mëtejshëm i partneritetit në mbrojtje.
Sulmi kibernetik i Iranit ndaj Shqipërisë në vitin 2022, tha ai, tregoi nevojën për të për të investuar në infrastrukturë dhe trajnime për të ndërtuar një sistem kibernetik të qëndrueshëm.
Shtetet e Bashkuara, vijoi më tej, kanë dërguar ekspertë në Shqipëri për të riparuar dëmet e bëra dhe kanë ofruar 50 milionë dollarë për këtë qëllim.
Ndërkohë që, një përparësi, do të jetë edhe forcimi i klimës së biznesit në vend, ku interesat amerikane, shërbehen përmes një tregu transparent në Shqipëri.
Kush është David Kostelancik
Kjo nuk do të jetë detyra e tij e parë në Shqipëri, pasi Kostelancik ka shërbyer në ambasadën amerikane në Shqipëri në fillim të viteve ’90, në zyrën politike.
Ai aktualisht po shërben si Këshilltar për Politikën e Jashtme i Shefit të Shtatmadhorisë amerikane, Gjeneral Mark Milley.
Më herë ka mbajtur postin e Shefit të Misionit dhe për dy vjet, si i Ngarkuar me Punë i përkohshëm në Ambasadën e SHBA-ve në Budapest të Hungarisë.
Ai ka mbajtur gjithashtu pozicionet e Drejtorit të Zyrës për Çështjet e Evropës Jugore Qendrore dhe Drejtorit të Zyrës për Çështjet Ruse, në Byronë për Çështjet e Evropës dhe Euroazisë si dhe të Drejtorit të Zyrës së Evropës dhe Azisë në Byronë Ndërkombëtare për Çështjet e Narkotikëve dhe Zbatimit të Ligjit.
Kostelancik ka shërbyer gjithashtu dy herë në Ambasadën amerikane në Moskë.
Ai ka shërbyer edhe në misionet e SHBA-ve në OSBE dhe NATO e në Ankara të Turqisë.
Diplomati Kostelancik, me origjinë nga shteti i Ilinoit, është diplomuar në Universitetin Northwestern të këtij shteti.
Ai ka gjithashtu dy diploma master nga Kolegji Kombëtar i Luftës, dhe Universiteti i Michigan-it. Diplomati flet rusisht, hungarisht, shqip dhe turqisht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
GJKKO rrëzon sërish Berishën dhe Malltezin, lihen në arrest shtëpie
-
Basha: Meta është kartë e djegur, harxhim kohe të merrem me të
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Osmani s’e komenton fare regresin me 19-të vende të Kosovës në lirinë e medias, flet për lajmet e rreme