Marrëveshja me Shqipërinë: Në Hagë pas 25 prillit

Ministri i Jashtëm grek, Nikos Dendias, ka njoftuar që marrëveshja me Shqipërinë në lidhje me de limitimin e hapësirës detare do të dërgohet në Gjykatën Ndërkombëtare të Drejtësisë në Hagë, pas zgjedhjeve të 25 prillit në Shqipëri.

“Projektligji përkatës do të futet në Parlament shumë shpejt dhe do të votohet menjëherë. Ky zgjerim është një e drejtë e patjetërsueshme e vendit tonë”, shtoi ai.

Ndërsa  për zgjerimin e ujërave territoriale përtej Jonit, Dendias tha se do të bëhet kur të gjykohet e përshtatshme. Ai gjithashtu ka shtuar se Greqia ka bërë zgjerime “gjithmonë” me mjete paqësore dhe mbi bazën e së drejtës ndërkombëtare.

Kjo deklaratë e ministrit të Jashtëm grek vjen dy ditë pas vizitës së kryeministrit Edi Rama në Athinë.

Gjatë kësaj vizite në fokus ishte forcimi i marrëdhënieve strategjike mes dy vendeve, bashkëpunimi rajonal dhe integrimi evropian  i vendeve ballkanike. /AlbanianPost.com