Marcelo është një nga lojtarët e Real Madrid-it që pritet të largohet këtë verë, me kontratën e tij që përfundon këtë muaj.
Mbrojtësi i majtë brazilian është lojtari që ka fituar më së shumti trofe në historinë e Los Blancos.
Marcelo ishte i gatshëm të qëndronte për një sezon tjetër, por ai nuk ka marrë asnjë ofertë për të vazhduar kontratën e tij.
Gjatë festimeve pas fitores së Real Madrid-it ndaj Liverpool-it në finalen e Ligës së Kampionëve, Marcelo nuk mundi t’i mbante lotët, duke qenë i vetëdijshëm se ky ishte sezoni i tij i fundit në klub.
Braziliani është në pritje të homazhit që Real Madridi ka organizuar për të më 13 qershor dhe nuk dëshiron që asgjë t’ia largojë vëmendjen nga kjo ngjarje e veçantë.
Megjithatë, agjentët e tij tashmë kanë marrë telefonata nga klubet që janë të interesuar të marrin shërbimet e tij përpara sezonit 2022/23.
Marcelo ka tërhequr interes nga Katari, Emiratet e Bashkuara Arabe dhe Turqia, por ai nuk është i sigurt se cili duhet të jetë hapi i tij i ardhshëm, pasi familja e tij është e kënaqur me jetën në kryeqytetin spanjoll.
Të luash në Turqi është opsioni më tërheqës, pasi liga e tyre është më konkurruese se ajo e Katarit dhe Emirateve të Bashkuara Arabe.
Një skuadër turke gjithashtu mund t’i ofrojë atij mundësinë për të luajtur sërish futboll evropian sezonin e ardhshëm.
Duhet theksuar se në sezonet e fundit, Marcelo është kujdesur për dietën e tij, duke ushtruar edhe në seanca shtesë me një trajner personal, edhe gjatë pushimeve, në përpjekje për të qëndruar në formë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE