Nën qeverinë e re të udhëhequr nga partia më e madhe në Maqedoni të Veriut VMRO-DPMNE dhe koalicioni shqiptar VLEN, është vendosur që të hiqet gjuha shqipe nga shenjat rrugore në autostradën Bllacë-Shkup.
Është obligueshme me ligjin në fuqi që gjuha shqipe të figurojë në këto tabela, por kjo s’ka mjaftuar që të mos largohen të vjetrat dhe të vendosen të rejat, ku figuron gjuha maqedonase, ajo angleze dhe franceze.
Shenjat me gjuhën shqipe janë hequr nga Ndërmarrja Publike “Rrugët Shtetërore”.
Kjo ndërmarrje po i heq shenjat në gjuhën shqipe nga të gjitha rrugët me të cilat menaxhon.
Në ditët në vazhdim, siç ka njoftuar kryetari i Gjykatës Kushtetuese në Maqedoninë e Veriut, Darko Kostadinovski, do të caktohet mbledhje ku do të shqyrtohet për shfuqizimin e tre neneve të gjuhës shqipe nga Ligji për zbatimin e gjuhëve.
Iniciativa e Kostadinovskit është mbështetur drejtpërdrejt nga VMRO e kryeministrit Hristijan Mickoski, ndërsa është arsyetuar edhe nga koalicioni VLEN, të cilët kanë siguruar se nuk shfuqizohet Ligji, por vetëm disa nene.
Koalicioni VLEN i udhëhequr nga Arben Taravari, tash ministër, është koalicioni i përkrahur në zgjedhjet e fundit nga kryeministri i Kosovës, Albin Kurti.
Madje, edhe fushata zgjedhore ishte dizajnuar dhe udhëhequr nga anëtarë dhe funksionar të Lëvizjes Vetëvendosje.
Reklama e tyre zgjedhore ishte se ish qeveria me Bashkimin Demokratik për Integrim nuk ka bërë mjaftueshëm për shqiptarët, prandaj duhet që udhëheqësi i BDI-së, Ali Ahmeti, të kalojë në opozitë e këta të marrin pushtetin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu garanton: Asnjë ministër s’krijoi pasuri duke e mbajtur këtë pozitë, qytetarët e dinë
-
Haxhiu njëherë thotë se ura s’është për dialog, pastaj pranon se Bislimi diskutoi në Bruksel për urën
-
Autogoli i Agim Ademit në minutën e 90-të
-
NATO edhe pas takimit me Bislimin konfirmon se do ta vazhdojë prezencën në urën mbi Ibër
Lajmet kryesore
-
Besnik Bislimi cenon integritetin territorial të Kosovës, diskuton për urën në Bruksel
-
Autoritetet nuk angazhohen mjaftueshëm për mbrojtjen e viktimave të dhunës me bazë gjinore, zbulon raporti
-
Hezbollahu fajëson Izraelin pas shpërthimeve të radiove që plagosën mijëra në Liban
-
Autogoli i Agim Ademit në minutën e 90-të