Ministri i Mbrojtjes, Ejup Maqedonci, është takuar me homologun e tij finlandez, Antti Hakkanen, me të cilin ka diskutuar për situatën e sigurisë në Kosovë.
Takimi është bërë i ditur përmes një shkrimi në rrjetin social ‘X’ nga Ministria e Finlandës.
“Ministri i Mbrojtjes, Antti Hakkanen, është takuar sot me ministrin e Mbrojtjes së Kosovës, Ejup Maqedonci. Ministrat diskutuar për situatat e sigurisë në Evropë, Finlandë dhe Kosovë, për rritjen e mbështetjes për Ukrainën, pjesëmarrje e Finlandë për operacionin e KFOR-it”, thuhet në njoftim.
Puolustusministeri @anttihakkanen tapasi tänään Kosovon puolustusministerin Ejup Maqedoncin.
Ministerit keskustelivat
🔹 Euroopan, Suomen ja Kosovon turvallisuustilanteista
🔹 Ukrainan tuen lisäämisestä
🔹 Suomen osallistumisesta KFOR-operaatioonKiitos vierailusta! 🇫🇮🤝🇽🇰 pic.twitter.com/lrHpkUxqad
— Puolustusministeriö (@DefenceFinland) February 21, 2024
Më 18 shkurt, ministri i Mbrojtjes në Kosovë, Ejup Maqedonci në një intervistë për The Geopost, ka thënë se Kosova po përballet me një dislokim enorm të ushtrisë, policisë dhe xhandarmërisë serbe në jug të Serbisë, kryesisht përgjatë vijës kufitare, duke shtuar se 48 bazat e përparme operacionale të ushtrisë dhe xhandarmërisë serbe janë një kërcënim i vazhdueshëm për vendin.
“Janë diku prej 300 metra deri në 5 kilometra nga vija kufitare e Kosovës dhe janë të drejtuara armiqësisht kundër territorit të vendit tonë.
Përveç këtyre 48 bazave, është për t’u theksuar edhe fakti që 3 nga 4 brigadat e ushtrisë serbe janë të dislokuara në jug të territorit të Serbisë, dhe ato të drejtuara armiqësisht kundër territorit të vendit tonë”, tha Maqedonci.
Ai ka theksuar se shumica e kapaciteteve luftarake, duke përfshirë edhe kapacitetet që janë blerë nga Kina dhe Rusia janë të dislokuara në jug të territorit të Serbisë.
Sipas tij, kjo nuk paraqet kërcënim vetëm për Kosovën, por për të gjithë regjionin e Ballkanit Perëndimorë dhe për vendet tjera që kufizohen me Republikën e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
