![](https://albanianpost.com/wp-content/uploads/2023/04/skysports-sadio-mane-bayern-munich_5959097-1.jpg)
Daily Mail thotë se sulmuesi i Bayern Munich-ut, Sadio Mane, mund t’i bashkohet Manchester United ose Newcastle United.
Mane, 31 vjeç, ka pasur një sezon debutues zhgënjyes në Gjermani pasi u largua nga Liverpool për 31 milionë euro në verë.
Senegalezi u pezullua nga Bayern përpara ndeshjes së tyre kundër Hoffenheim dhe u gjobit pas një grindjeje me shokun e skuadrës Leroy Sane.
Raporte të shumta thanë se Sane pësoi një prerje të buzës pasi dy lojtarët u përplasën në dhomën e zhveshjes pas humbjes 3-0 të Bayernit ndaj Manchester City-t në ndeshjen e tyre të parë të çerekfinales së Ligës së Kampionëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com