Mandarinat – frutat e pasura me shumë vitamina

Mandarinat –  fruti i dytë më i madh i agrumeve të kultivuara pas portokallit, janë të pasura me ujë dhe të mbushura me vitaminë C e antioksidantë.

Ato janë gjithashtu burime të mira të vitaminave dhe mineraleve të tjera, të tilla si kaliumi dhe vitaminat e kompleksit B.

Pos shijes mbresëlënëse, ajo ju sjellin dobi të mëdha edhe në aspektin shëndetësor, prandaj prezantohuni me disa prej këtyre përfitimeve.

Mandarinat janë një burim i shkëlqyeshëm i vitaminës C – lëndë ushqyese që është padyshim e nevojshme për një organizëm të shëndoshë.

Po ashtu, mandarinat janë një nga burimet më të përqendruara të beta-kriptoksantinës, një antioksidant që në trup konvertohet në vitaminë A dhe gjendet prapa ngjyrës portokalli të mandarinave dhe frutave të tjera.

Për më tepër, mandarinat sigurojnë kalium dhe vitamina të kompleksit B, përkatësisht B1, B6 dhe B9, ose tiaminë, piridoksinë dhe folate.

Janë të pasura me antioksidantë

Antioksidantët mbrojnë trupin tuaj duke neutralizuar efektet e dëmshme të stresit oksidativ, i cili shkaktohet nga akumulimi i radikaleve të lira.

Këto molekula të dëmshme janë të përfshira në zhvillimin e kushteve kronike si sëmundjet e zemrës, artriti dhe kancerit.

Mandarinat – duke përfshirë lëvozhgat e tyre janë burime të pasura antioksidantësh si vitamina C dhe beta-kriptoksantina me flavonoidet si naringina, hesperidina, tangeretina dhe nobiletina.

Kapaciteti antioksidant i vitaminës C është i njohur për efektet e saj të dobishme në shëndetin e lëkurës dhe zemrës, si dhe për vetitë e saj kundër kancerit.

Hulumtimet kanë lidhur flavonoidet me përfitime të shumta shëndetësore, duke përfshirë efektet mbrojtëse të trurit dhe rrezikun e reduktuar të sëmundjeve kronike

Janë përforcuese imuniteti

Vitamina C në mandarina mund të ndihmojë në mbrojtjen e sistemit tuaj imunitar nga viruset dhe bakteret duke vepruar mbi qelizat T, një lloj qelizash të bardha të gjakut që mbrojnë trupin tuaj.

Hulumtimet tregojnë se vitamina ndikon në zhvillimin dhe funksionimin e qelizave T dhe bllokon rrugët që çojnë në vdekjen e tyre. Prandaj, ju ndihmon të mbani një nivel të shëndetshëm të këtyre qelizave për të luftuar infeksionet.

Përveç kësaj, vitamina C rrit fagocitet – qelizat imune që gëlltisin baktere dhe komponime të tjera të dëmshme – dhe vrasjen e mikrobeve, e cila gjithashtu forcon përgjigjen tuaj imune.

Mund të ndihmojë gjithashtu në uljen e ashpërsisë së reaksioneve alergjike – një cilësi që i është atribuar gjithashtu hesperidinës dhe naringeninës, dy nga antioksidantët e pranishëm në lëvozhgën e mandarinës.

Ruajnë shëndetin e trurit

Antioksidantët në mandarina, si vitamina C dhe nobiletina, mund të mbrojnë kundër çrregullimeve kronike të trurit si skizofrenia, sëmundja e Alzheimerit dhe sëmundja e Parkinsonit.

Përveç kësaj, studimet e kafshëve sugjerojnë se nobiletina nga lëvozhga e mandarinës mund të ndihmojë në reduktimin e efekteve negative në tru në sëmundjen e Alzheimerit, siç është humbja e kujtesës.

Nobiletina mund të mbrojë qelizat e trurit nga akumulimi dhe toksiciteti i beta-amiloidit, i cili shoqërohet me fillimin e sëmundjes së Alzheimerit.

Sa i përket efekteve të mandarinave në sëmundjen e Parkinsonit, përmbajtja e tyre nobiletin duket se përmirëson dëmtimet motorike duke mbrojtur qelizat që prodhojnë dopaminë në tru. Dëmtimi i këtyre qelizave çon në përparimin e sëmundjes.

Mund të ndihmojnë në përmirësimin e pamjes së lëkurës

Shtimi i mandarinave në dietën tuaj mund të promovojë lëkurë të shëndetshme për shkak të efektit të vitaminës C në prodhimin e kolagjenit.

Kolagjeni është proteina më e bollshme në trup. Ai i jep strukturë, forcë dhe stabilitet indeve lidhëse, duke përfshirë lëkurën tuaj.

Me kalimin e moshës, sasia e kolagjenit në trupin tuaj zvogëlohet. Megjithatë, vitamina C promovon sintezën e kolagjenit, e cila përmirëson shërimin e plagëve dhe redukton shenjat e plakjes, të tilla si rrudhat.

Për më tepër, vetitë antioksiduese të vitaminës C mund të zvogëlojnë shenjat e plakjes duke ngadalësuar dëmtimin e lëkurës të shkaktuar nga radikalet e lira.

Ndikojnë në humbje të peshës

Mandarinat mund të ndihmojnë në humbjen e peshës duke rritur marrjen e përditshme të fibrave.

Agrumet, duke përfshirë mandarinat, ofrojnë fibra të patretshme – lloji që nuk fermentohet në zorrë – si celuloza dhe linjina.

Kjo lloj fibre rrit ndjenjën e ngopjes duke ngadalësuar kalimin e ushqimit përmes traktit tuaj të tretjes. Kjo nga ana tjetër ndihmon në rregullimin e oreksit tuaj, i cili mund të nxisë humbjen e peshës.

Për më tepër, hulumtimet tregojnë se njerëzit me konsum më të lartë të fibrave janë më të aftë të mbajnë peshën e tyre trupore ose të parandalojnë rifitimin e peshës krahasuar me ata që konsumojnë më pak fibra.

Përveç kësaj, një studim me epruvetë zbuloi se nobiletina parandaloi akumulimin e yndyrës në qelizat dhjamore dhe rrit ndjeshëm aktivitetin e proteinave të kinazës së aktivizuar.

Konsumimi i mandarinave mund t’ju ndihmojë të rrisni marrjen e fibrave, të cilat mund të nxisin humbjen e peshës dhe ndihmojnë në parandalimin e rikthimit të peshës.

Ruajnë shëndetin e zemrës

Antioksidantët në mandarina, të tilla si vitamina C, mandartina dhe nobiletina, mund të ndihmojnë shëndetin e zemrës.

Studimet te njerëzit dhe kafshët tregojnë se vitamina C mund të zvogëlojë faktorët e rrezikut për sëmundjet e zemrës duke reduktuar presionin e gjakut dhe grumbullimin e trombociteve, si dhe përmirësojnë funksionin e enëve të gjakut, duke ulur nivelet e triglicerideve dhe kolsterolit në gjak.

Mandarinat ofrojnë antioksidantë që mund të ndihmojnë në reduktimin e faktorëve të rrezikut për sëmundjet e zemrës.

Antioksidantët në mandarina mund të japin veti kundër kancerit.

Vitamina C mund të parandalojë rritjen dhe përhapjen e tumorit, të nxisë shërimin e plagëve pas operacionit dhe të rrisë efektivitetin e kimioterapisë duke reduktuar gjithashtu toksicitetin e saj.

Studimet kanë zbuluar se njerëzit me kancer priren të kenë mungesë të vitaminës C dhe se plotësimi i vitaminës C mund të përmirësojë rezultatet për njerëzit me kancer terminal.

Flavonoidet në agrumet lidhen me një rrezik të reduktuar të disa llojeve të kancerit, duke përfshirë kancerin e stomakut, gjirit, zorrës së trashë dhe mushkërive.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.