Manchester United është duke kërkuar për t’i transferuar dy sulmues në këtë afat kalimtar veror.
Trajneri i tyre, Erik ten Hag është duke kërkuar për një numër nëntë cilësor, pasi që Wout Weghorst pritet të rikthehet nga huazimi te klubi i Burnley-t.
Harry Kane është shfaqur si objektivi kryesor i United, megjithëse mbetet e paqartë nëse kryetari i Tottenham, Daniel Levy do të sanksiononte një shitje te një rival i drejtpërdrejtë i Premier League.
Megjithatë, Ten Hag mund të kërkojë të sjellë jo vetëm një, por dy sulmues këtë verë.
Sipas The Athletic , “Ten Hag do të dëshironte në mënyrë ideale të sillte një sulmues me përvojë plus një më të ri që mund të zhvillohet në United, duke qenë se ekipi i tij mbështetej kryesisht te Marcus Rashford për golat, por një shpenzim i tillë do të varej nga shitjet e lojtarëve”.
Raporti shton gjithashtu se “Djajtë e Kuq” kanë zhvilluar “bisedime të detajuara mbi marrëveshjet e mundshme për sulmuesin e Atalanta-s, Rasmus Hojlund dhe sulmuesin e Eintracht Frankfurt, Randal Kolo Muani”.
Drejtori i futbollit të United, John Murtough, thuhet se foli me Atalanta-n dhe Frankfurtin, respektivisht, me të dy klubet “të hapura për të shitur lojtarët e tyre për çmimin e duhur”.
Ndërsa mendohet se Hojlund është lojtari më i mundshëm për të nënshkruar për skuadrën e Manchester United në këtë afat kalimtar veror.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve
