Manchester United rinis stërvitjet

Manchester United ka rihapur dyert e qëndres stërvitore pasi qëndroi e mbyllur për disa ditë për shkak të rasteve të shumta me COVID-19.

Javën e kaluar, United ndali stërvitjet në Carrington dhe pa dy ndeshje të Premier League t’i anuloheshin.

Djajtë e kuq, ndeshjen në vizitë përballë Brentford dhe atë në “Old Trafford” përballë Brighton, do t’i luajnë në një datë tjetër.

Sot, klubi ka komunikuar që lojtarët janë kthyer në stërvitje me një program të veçantë.

Të hënën, Premier League dhe Federata e Futbollit Anglez, sot kanë vendosur që ndeshjet e “boxing day”, që zhvillohen më 26 dhjetor, të vazhdojnë në mënyrën e planifikuar.

“Fatkeqësisht, ndeshjet përballë Brighton dhe Brentford janë shtyrë në një orar tjetër sepse klubi nuk kishte opsion tjetër përveç se të kërkonte shtyrjen e ndeshjeve”, shkruan United në njoftim.

“Bordi i Premier League vendosi që të shtyjë ndeshjet, në bazë të këshillave mjekësorë”.

Ralf Rangnick do të ketë kohë disa ditë ta përgatis skuadrën, para se United të kthehet të hënën në aksion.

Manchester United kishte shumë raste pozitive pas vizitës te Norwich më 11 dhjetor.

Përveç United, në Premier League ishin shtyrë edhe gjashtë ndeshje tjera – dhe këtë javë janë raportuar edhe 90 raste të reja, nga 12 mijë e 345 teste.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.