Manchester United nuk ka shkuar më shumë se një barazim 2-2 përballë Bournemouth-it në “Vitality Stadium” në takimin e javës së 33-të të Premier League.
Pas barazimit 2-2 një javë më parë ndaj Liverpool-it, United ka shkuar në një tjetër barazim 2-2, po kësaj here ndaj një skuadre të gjysmës së dytë të tablës së Premier League.
Kujtojmë se Bournemouth e kishte mundur United-in në “Old Trafford” gjatë fazës së parë të kampionatit me shifrat 3-0.
Tashmë, në shtatë ndeshjet e fundit në Premier League, United ka marrë vetëm një fitore, tre barazime dhe tre humbje.
Bournemouth ishte skuadër më kërkuese në fushë në takimin e kësaj të shtune. Vendasit arritën të kalonin dy herë në avantazh, por nuk mundën ta ruanin deri në fund.
Dominic Solanke hapi rezultatin e ndeshjes në minutën e 16. Megjithatë, Bruno Fernandes do të barazonte në minutën e 31.
Pjesa e parë do të mbyllej me avantazhin e vendasve pasi vetëm pesë minuta pas golit të Fernandes-it, Justin Kluivert do të shënonte për Bournemouth-in.
Në minutën e 62 të pjesës së dytë, Fernandes-i do të gjente sërish rrejtën, këtë herë nga pika e bardhë e 11 metërshit.
Në sekondat e fundit të ndeshjet, vendasit fituan 11 metërsh, por pas rishikimit të rastit në VAR ai u anulua.
Me barazimin e arritur, United shkon në kuotën e 50 pikëve në vendin e shtatë në tabelën e Premier League. Zona Champions League është 10 pikë larg tashmë dhe duket një luftë e pamundur me Aston Villa-n dhe Tottenham-in.
Bournemouth qëndron në vendin e 12 me 42 pikë. Skuadra është në pozita të forta në mesin e artë të tabelës, pasi qëndron 17 pikë larg zonës së nxehtë të rënies nga kategoria dhe me një ndeshje më pak.
Lajmi në përditësim….
Manchester City merr përkohësisht kryesimin e Premier League
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
