Manchester United arrin marrëveshje me Varane

Si duket, negociatave mes klubit të Manchester United dhe futbollistit francez, Raphael Varane, po vijnë drejt fundit.

Djajtë e kuq, pas disa javësh përpjekje, thuhet se kanë arritur marrëveshje me klubin e Real Madrid-it, për ta transferuar Varane-n.

Lajmin e ka bërë të ditur gazetari i njohur italian, Fabrizio Romano, përmes një postimi në rrjetet sociale.

Raphaël Varane to Manchester United, here we go! 🔴 #MUFC

Agreement almost done between Man Utd and Real Madrid, just final details to be completed and then paperworks time. It’s a “matter of hours or days”. Here-we-go. 🇫🇷

Varane has a total agreement on personal terms too. 🤝

— Fabrizio Romano (@FabrizioRomano) July 26, 2021

Sipas këtij burimi, marrëveshja mes Unitedit dhe Los Blancos tashmë është arritur dhe kanë mbetur vetëm edhe disa detaje të vogla, që të bëhet prezantimi në formë zyrtare i kalimit të Varane-s në Old Trafford.

Mediat në Angli, raportojnë se shuma e transferimit të futbollistit francez, do të jetë rreth 50 milionë euro.

Pra, pasi transferuan Jadon Sancho, tani klubi i United po punon edhe në fazën e mbrojtjes, në mënyrë që të jenë sa më të përgaditur për sezonin e ardhshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.