Manchester City zyrtarizon partneritetin me klubin e Bolivar-it


Grupi që ka në pronësi Manchester City-n “City Football Group” ka nënshkruar një marrëveshje bashkëpunimi me Club Bolivar-in. Klubin më emblematik në futbollit e Bolivisë.

Bolivar-i është i vendosur në La Paz, kryeqytetin e Bolivisë dhe ka 29 tituj kampionë. Më shumë se çdo ekip tjetër në vend.

Në Amerikën Latine, Bolivar-i bëhet klubi i dytë që lidhë marrëveshje me City Football Group, pas Montevideo City Torque-s, në vitin 2017.

City Football Group me marrëveshjen e arritur do të bëhet investitori më i ri tek Bolivar-i. Do t’i ofrojnë skuadrës boliviane kushte më të mira infrastrukturore, trajnime, vëzhgues talentesh etj.

Ferran Sorriano, shefi ekzekutiv i City Football Group, u shpreh rreth marrëveshjes:

“Ne jemi të kënaqur që rrisim praninë tonë globale, përmes këtij bashkëpunimi të rëndësishëm me Club Bolivar-in”

“Kjo marrëveshje afatgjate është e para në llojin e saj dhe ne do t’i mundësojmë Club Bolivar-it të shfrytëzojë gamën e gjerë të industrisë së futbollit të zhvilluar nga City Football Group”.

Grupi së bashku me Manchester City-n zotëron edhe New York City-n (SHBA), Malbourne City-n (Australi), Yokohama Marinos-in (Japoni), Girona-n (Spanjë), Sichuan Jiuniu-n (Kinë), Mumbai City-n (Indi), Lommel-in (Belgjikë) dhe Troyes-in (Francë)./AlbanianPost.com



Lajmet kryesore