Ka përfunduar xhiro e 1/8-ve të finales së “EFL Cup” ku befasia më e madhe ishte eliminimi i kampionit në fuqi të Anglisë, Manchester City.
Ishte skuadra e West Ham United që shkaktoi befasinë, duke eliminuar City-n pas ekzekutimit të penalltive, pasi që koha e rregullt përfundoi pa gola.
11-metërshin e parë për miqtë e humbi Phoden, ndërsa realizuan Cancelo, Jesus e Grealish, kurse për vendasit të gjithë u treguan të saktë.
Liverpooli ashtu siç pritej edhe kualifikohet në çerekfinale, duke mposhtur në udhëtim skuadrën e Preston, me shifrat 0:2.
Pjesa e parë në këtë takim nuk dhuroi gola, teska në të dytën Minamino në minutën e 62-të e Origi në atë të 84-tën shënuan për fitoren e Liverpool-it.
Në ndeshjen tjetër, edhe Tottenham Hotspur arriti të fitojë me rezultat minimal në udhëtim te Burnley.
Autor i golit të vetëm në këtë takim, ishte Lukas Moura i cili realizoi golin e fitores në minutën e 68-të.
Ndërkohë, Brentford po vazhdon në formë të mirë në Angli, të cilët siguruan kualifikimin në çerekfinale, pasi mposhtën në udhëtim Stoke City-n me rezultat 1:2.
Dersia, kualifikimin tutje e siguroi edhe Leicester City, të cilët mposhtën skuadrën e Brighton, pas ekzekutimit të penalltive, pasi që koha e rregullt përfundoi me shifrat 2:2.
Në kohën e rregullt, golat për Leicester i realizuan Barnes e Lookman, kurse për miqtë shënuan Webster e Mwepu.
Ndërsa nga pika e bardhë dështuan të shënojnë Maupay e Mwepu te Brighton-i, kurse për vendasit shënuan nuk gaboi asnjëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani me fitore bindëse ndaj Taravarit: Diferenca mbi 35 mijë vota
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova