Manchester City e ka fituar shumë me lehtësi duelin përballë Everton-it në “Etihad”.
Kampionët e kishin më të vështirë pjesën e parë, por edhe aty, në fund, arritën të gjenin zgjidhjen.
Në minutën e 44-të, Raheem Sterling shfrytëzoi një super asistim të Joao Cancelo-s, për ta dërguar City-n të qetë në pushim mes pjesëve.
Epërsia i dha edhe komoditet kampionëve në fuqi, që kontrolluan me shumë lehtësi pjesën e dytë.
Pas një kaosi në zonë, topi doli jashtë saj, dhe Rodri me një predhë nga rreth 30 metra shënoi nga golat më të bukur të sezonit.
Ky gol në minutën e 55-të, i dha qytetarëve edhe qetësinë e duhur për të vazhduar punën e tyre.
Pak para se gjyqtari i katërt të ngriste tabelën lartë për minutat shtesë, City shënoi edhe njëherë.
Këtë radhë, emri që u shtua në listën e golashënuesve ishte Bernardo Silva.
Me golin e Silva-s, u vulos edhe rezultati përfundimtar, Manchester City 3-0 Everton.
Me këtë fitore, Manchester City ngjitet në vendin e dytë me 26 pikë, tre më pak se liderët e Chelsea-s.
Everton-i zhytet edhe më shumë në krizë, me asnjë fitore në gjashtë ndeshjet e fundit.
Ata ndodhen në vendin e 11-të me 15 pikë pas 12 takimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
MPJD: Jankoviç sapo është liruar dhe ndodhet rrugës për në Kosovë
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Foto e shtypit botëror: Në ato fytyra të padukshme shprehet forca e dhimbjes
-
Guterres e cilëson “incident të rëndë të sigurisë” terrorizmin në Banjë, kërkon që përgjegjësit të dalin para drejtësisë