Sport

Man Utd dhe Aston Villa eksplorojnë lëvizjen për kapitenin e Napolit


Giovanni di Lorenzo

Kapiteni i Napoli-t, Giovanni di Lorenzo është i hapur për një ndryshim në verë, pasi Manchester United dhe Aston Villa hapën bisedimet me përfaqësuesit e tij.

Mbrojtësi i djathtë 30-vjeçar italian dukej i sigurt se do ta mbyllte karrierën e tij në kryeqytetin e Campania-s, por gjërat kanë ndryshuar gjatë këtij sezoni. Ai ka mbetur i zhgënjyer nga drejtuesit e klubit dhe i pakënaqur me rendimentin e skuadrës që doli herët nga gara për mbrojtjen e titullit.

Pavarësisht vështirësive të Napoli-t këtë sezon, Di Lorenzo ka arritur të performojë mirë duke shënuar dy herë dhe duke dhënë shtatë asistime në 40 paraqitje.

Ai duket i destinuar të jetë mbrojtësi i djathtë i Italisë nën drejtimin e Luciano Spalletti-t në Kampionatin Evropian të ardhshëm.

“Il Mattino” detajon se si Manchester United dhe Aston Villa kanë kontaktuar të dy me përfaqësuesit e Di Lorenzo-s për të eksploruar idenë e një transferimi veror. Ai e bëri të qartë se ishte i hapur për një transferim të mundshëm, duke lehtësuar negociatat e mëtejshme.

Mbrojtësi 30-vjeçar italian pritet të kërkojë një takim me presidentin e Napoli-t, Aurelio de Laurentiis në një moment në javët e ardhshme, duke dashur të kuptojë planet dhe projektin e klubit përpara sezonit të ardhshëm.

Di Lorenzo, i cili ka kontratë me Napoli-n deri në qershor 2028, ka shënuar 15 gola dhe ka dhënë 35 asistime në 224 ndeshje për klubin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore