![](https://albanianpost.com/wp-content/uploads/2023/09/374212634_330272862676762_2719665230599197718_n.jpg)
Kanë përfunduar dy sfidat e të shtunës në Superligën e Kosovës. Malisheva ka fituar 4-1 ndaj Feronikelit, ndërsa Liria mundi 2-1 Fushë Kosovën.
Malisheva ka bërë një ndeshje të madhe në shtëpi duke realizuar katër gola dhe duke u ngjitur në krye të Superligës.
Ilir Mustafa hapi serinë e golave për Malishevën, para se Jakup Berisha të vendsote barazpeshën duke mbyllur pjesën e parë në barazim 1-1.
Por, në pjesën e dytë Malisheva do të bënte gjithçka duke realizuar tre herë me Donart Vitija, Robert Ndjigi dhe Aldrit Oshafi.
Në takimin tjetër, Liria fitoi me golat e Melos Zenunaj dhe Arber Likaj. Për Fushë Kosovën realizoi Dominik Ivkic.
Pas katër javësh të luajtura, Malisheva qëndron në krye të renditjes me nëntë pikë. Liria ngjitet në vendin e pestë me pesë pikë. Feronikeli ka tre pikë dhe mban vendin e shtatë. Dhe, në vend të fundit qëndron Fushë Kosova pa pikë.
Renditja e Superligës:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com