Drejtorët e klubit të Milan-it, Paolo Maldini dhe Ricky Massara, do të mbesin pa kontrata në mesnatën e sotme.

Dyshes së lartcekur i përfundojnë kontratat me 1 korrik, por ata kanë marrë ofertën përfundimtare nga pronarët e Elliot.

Mediat italiane raportojnë se marrëveshja mes palëve është gati dhe pritet të nënshkruhet, por nuk kanë dhënë më shumë detaje rreth financave.

Megjithatë, problemi mes Maldini-t dhe Milani-t nuk është te paratë, por ish-mbrojtësi kërkon më shumë fuqi vendimmarrëse dhe pret një buxhet më të madh transferimesh për këtë verë.

Pati raportime se Maldini do të kishte nënshkruar kontratën e tij shumë ditë më parë, por nënshkrimi është shtyrë vazhdimisht pasi ai kërkon garanci për rolin e tij në klub në vitet e ardhshme.

“Gazzetta dello Sport” saktëson se kopja e kontratës që iu dërgua Maldini-t dhe Massara-s në mëngjes nuk është një draft, por versioni përfundimtar i marrëveshjes së ofruar nga Elliott, të cilët janë ende në krye deri në shtator, kur klubin do ta marrin në dorë RedBird.

Sipas të gjitha raportimeve, ka optimizëm se Maldini dhe Massara përfundimisht do të vënë në letër një marrëveshje të re me kuqezinjtë.

Kujtojmë që deri më tani kuqezinjtë kanë dështuar në transferimi, ku iu “ikën nga dora” Sven Botman dhe Renato Sanchez nga Lille.

Ata deri më tani kanë transferuar vetëm Divock Origi-n nga Liverpool-i me parametra zero.

Manaj pranë skuadrës nga La Liga

Maldini dhe Massara marrin ofertën përfundimtare për nënshkrimin e kontratës

albanianpost

Tottenham pranë finalizimit të dyfishtë në merkato