Mahmuti: Akuzuat ndaj ish-krerëve të UÇK-së janë sajesa, kanë qëllim diskreditimin e pastërtisë së luftës çlirimtare
Sajesa i ka quajtur akuzat ndaj ish-krerëve të Ushtrisë Çlirimtare të Kosovës për krime lufte nga Gjykata Speciale, ish-përfaqësuesi politik i UÇK-së, Bardhyl Mahmuti gjatë dëshmisë së tij në Gjykatën Speciale.
“Edhe sot e kësaj dite mbështes qëndrimin se çdo që kanë dorëzuar komisionet e përgatitura nga shërbimi sekret serb në krye me Milorad Dreçunin qoftë prokurorisë penale për ish-Jugosllavinë, qoftë prokurorisë Speciale, janë sajesa të cilat kanë për qëllim ta diskreditojnë pastërtinë e luftës çlirimtare”, tha ai.
Prandaj, Mahmuti ka theksuar se nuk i beson Dhomave të Specializuara në Hagë, teksa i është përgjigjur pyetjeve të prokurorit Filippo De Minicis
“Çdo gjë që vjen nga ky komision i cili me mburrje deklaron që e ka mësuar prokurorinë se çfarë hetimi duhet të bëjë, unë nuk i besoj”, ka shtuar ai.
Ai po dëshmon me kërkesë të avokatëve të Pjetër Shalës i cili akuzohet për drejtimin e një burgu të improvizuar kur supozohet se u keqtrajtuan njerëz.
“Lidhur me akuzat e ngritura kundër Pjetër Shalës kam mësuar nga mediat, asnjëherë nuk kam hyrë në faqen e Dhomave të Specializuara”, tha ai.
“Ju garantoj që asnjë dosje që lidhet me të gjitha dosjet e prokurorisë nuk i kam lexuar, sepse kur i lexoj të gjitha shpifjet për sa i përket akuzave më shkakton një nervoz të madhe, sepse e di që janë të pavërteta”.
Mahmuti: S’i kam lexuar akuzuat e Speciales, më shkaktojnë nervoz të madhe – janë të pavërteta
Ai ka theksuar se gjatë takimit me avokatët e Shalës kishte biseduar vetëm për përmbajtën e librit të tij.
“Çdo që kanë kërkuar të sqarojnë për rrugëtimin tim politik, ua kam treguar”.
Pjetër Shala u arrestua me 16 mars të vitit 2021 nga autoritete belge.
Transferimi i tij në Dhomat e Specializuara të Kosovës u bë më 15 prill 2021.
Shala sipas aktakuzës ngarkohet me përgjegjësi penale individuale me forma të ndryshme për krime lufte si ndalim arbitrar, trajtim mizor, torturë dhe vrasje të paligjshme.
“Krimet për të cilat akuzohet z. Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës”, thuhej në aktakuzë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hetimi ndaj Trump | Johnson: Do ta mbajmë përgjegjës Smithin për abuzimet
-
Dëshmitë e gjashtë dëshmitarëve me shkrim ndaj ish krerëve të UÇK-së pranohen pjesërisht
-
Gjykimi ndaj ish eprorëve të UÇK-së vazhdon më 21 maj
-
ZPS-ja pretendon se dëshmitari i 62-të është arrestuar dhe rrahur nga ushtarët e UÇK-së
Lajmet kryesore
-
Ripërtëritja e legjitimitetit të dobësuar dhe largimi i fokusit nga ngërçi, faktorë që detyruan Kurtin të mendojë për zgjedhje të parakohshme
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi