Real Madrid-i arriti fitoren e madhe në fushën e Barcelonës, me rezultat 1-2, në një ndeshje shumë të luftuar.
Takimi nisi më mirë për katalunasit, që dominuan posedimin, por pa arritur të krijojnë ndonjë mundësi ideale për shënim.
Pas gjysmë ore lojë, Real Madrid-i shënoi në rastin e parë të rrezikshëm.
Me një kundërsulm, Vinicius Junior e gjeti shumë mirë Rodrygo-n, që ishte i lirë në mesin e fushës.
Me më shumë numra se Barcelona në sulm, braziliani e kishte të lehtë të gjentë hapësira.
Ai pasoi te Alaba, që me një predhë nga cepi zonës gjeti golin e parë me fanellën e Real Madrid-it dhe shënoi për 0-1.
Ashtu edhe u mbyll pjesa e parë.
E dyta nisi si e para, me Barcelonën që dominonte posedimin, por jo më shumë.
Katalunasit u ndëshkuan në fund, përsëri nga kundërsulmi.
Goditja e Marco Asensio-s u ndal nga Ter Stegen, por topi nga pritja e tij shkoi në këmbët e Lucas Vazquez që e shtyu topin në rrjetë.
Në sekondat e fundit, Barcelona gjeti golin nga këmbët e Aguero-s, por jo më shumë se aq.
Ndeshja përfundoi 1-2 me Real Madrid-in që morri fitoren e katërt radhazi në El Clasico.
Madrilenët tanimë kanë lënë katalunasit prapa me pesë pikë, duke u bashkuar përsëri me kreun.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Jahjaga po bën më shumë përpjekje për shëndetësinë sesa Qeveria Kurti, thotë Haxhiu
