Madonna hap akademi vallëzimi në Malawi


5 ditë · Kulturë

Ylli i rrymës Pop, Madonna, ka hapur një akademi kërcimi falas, dedikuar të rinjve në Malawi, vendit ku janë adoptuar fëmijët e saj.

Madonna ndodhet në Afrikë dhe për të është një udhëtim zemre, duke marrë parasysh lidhjen që fëmijët e saj, Mercy, David Banda, Stella e Estere,  kanë me vendin Afrikan.

Maddona, përveç vizitës në Qendrën Mercy James të Kirurgjisë Pediatrike, gjithashtu përuroi akademinë e vallëzimit, të quajtur Studio Madame X Dance. Ky projekt është menduar për fëmijët jetimë të qendrës Jacaranda.

“Jacaranda është një vend shumë i veçantë”, tha ylli në hapjen e akademisë.

“Dhe kjo jo vetëm sepse ka kaq shumë fëmijë të mrekullueshëm të talentuar, por edhe sepse ka mësues dhe themelues të mrekullueshëm që i janë përkushtuar me të vërtetë punës së tyre. Ju mësoni art, krijimtari, shprehi. Këto janë cilësi që na mbajnë gjallë dhe na bëjnë të përballemi me sfida dhe vështirësi. Dhe viti ishte vërtet i vështirë dhe i rëndë për të gjithë. Nëse thjesht e mendoni, çdo vit është i vështirë në Malavi, apo jo? Pra, për të vazhduar duhet të doni atë që bëni”, u shpreh Madonna./AlbanianPost.com



Lajmet kryesore