Madonna dhe vajza e saj, Lourdes Leon, kanë publikuar për herë të parë një këngë së bashku, duke sjellë një rrëfim personal për marrëdhënien e tyre dhe sfidat që kanë përjetuar ndër vite.

Kënga “The Test”, e përfshirë në albumin e ri të Madonnës “Confessions II”, u publikua të premten dhe trajton ndikimin që fama dhe ekspozimi i vazhdueshëm publik kanë pasur në raportin mes nënës dhe vajzës.

Përmes vargjeve, Madonna pranon se nuk e kishte kuptuar në kohë se sa shumë fama e saj kishte ndikuar te Lourdes.

Ndërkohë, vajza e artistes rrëfen për lidhjen me të ëmën dhe procesin e ndërtimit të identitetit të saj përtej hijes së një prej emrave më të mëdhenj të muzikës botërore.

Pak ditë para publikimit të këngës, Madonna njoftoi bashkëpunimin përmes një postimi në Instagram, ku ndau një fotografi të vjetër me Lourdes.

Madonna avec sa fille et son compagnon, Zoë Kravitz et Hailey Bieber en solitaire pour le défilé Saint Laurent

Në një intervistë për Interview Magazine, këngëtarja zbuloi se ishte vetë Lourdes ajo që propozoi realizimin e kësaj kënge, si një mënyrë për të reflektuar mbi marrëdhënien e tyre dhe për të shëruar plagët e së kaluarës.

Sipas Madonnës, ky bashkëpunim ishte një nga motivet kryesore që e shtyu të realizonte albumin në këtë periudhë.

Lourdes Leon ka folur edhe më herët për raportin e ndërlikuar me nënën e saj.

Në një intervistë të vitit 2021, ajo e përshkroi Madonnën si një person shumë kontrollues, ndërsa tregoi se pas përfundimit të shkollës së mesme kishte zgjedhur të ishte financiarisht e pavarur dhe të mbulonte vetë studimet e saj, pavarësisht se ishte vajza e një prej artisteve më të njohura në botë.

Me “The Test”, Madonna dhe Lourdes Leon sjellin një bashkëpunim që shkon përtej muzikës, duke e kthyer këngën në një reflektim të sinqertë mbi familjen, identitetin dhe ndikimin e famës.

Madonna dhe vajza e saj Lourdes Leon publikojnë këngën e parë së bashku

Annamorea Tiara Nixha

Më të lexuarat

Të fundit