Machu Picchu magnet për shumë vizitorë


Qyteti i Inkas, Machu Picchu, është magneti që tërheq shumë vizitorë në Peru. Është veçuar si një ndër shtatë mrekullitë e reja të botës. Me popullsinë prej 10 milionë banorësh, inkasit ishin qytetërimi i fundit indigjen para se Kolombi të arrinte në Amerikë.

Majat me dëborë te Andeve, pyjet e mbushura me kafshë të egra dhe lumi që rrjedh nga Amazona, e bën këtë vend ndër më të veçantët. Qyteti i Humbur i Choquequirao, pa dyshim mrekullia më e madhe e Perusë.  Nga ky qytet mund të udhëtohet me tren deri në liqenin e madh të Amerikës së jugut.

Ku qëndron e vecanta e Machu Picchu-së?

Machu Picchu nuk është një ndërtesë e vetme, por më tepër një kompleks prej mbi 150 banesa, banjo, faltore dhe tempuj. Megjithatë, shumica e Machu Picchu organizohet rreth tre strukturave kryesore: “Intihuatana” , “Tempulli i diellit” dhe “salla  e tre dritareve”. Shumë prej ndërtesave sekondare janë kopje të këtyre trijave, të ndërtuara për t’iu dhënë vizitorëve një perceptim më të mirë të asaj që Machu Picchu fillimisht ishte.

Domethënia e Machu Picchu-t gjuha e perandorisë Inke ishte Quechua, ende e folur sot në disa pjesë të maleve peruane. Machu Picchu do të thotë “mali i vjetër”.

Çdo gur është i gdhendur deri në përsosje, çdo gjë përshtatet në mënyrë të përkryer, në mënyrë që të mos kërkojë përdorimin e llaçit.

Ndodhet rreth 2 mijë e 300 metra mbi nivelin e detit.  Vizitorët duhet të përgatiten jo vetëm për një ecje, por edhe për një ngjitje në mal.

Është një vepër e pabesueshme inxhinierie në anën e një gremine.

Inkasit bënë gjithçka për të ruajtur Machu Picchu-n. Për shembull, ata ndërtuan mbi 600 tarraca për tu siguruar që ato struktura të mos rrëshqisnin nga mali. Ndërsa për të siguruar furnizim me ujë, ata krijuan një kanal gati 750 metra për të arritur në qendër të qytetit ./AlbanianPost.com

 



Lajmet kryesore