Lutfiu dhe Kamberi njoftojnë Lajçak-un për diskriminimin sistematik të Serbisë në Luginë të Preshevës
![](https://albanianpost.com/wp-content/uploads/2024/04/kkkkkkk.png)
Në kryeqendrën evropiane, Bruksel, Kryetari i Këshillit Kombëtar Shqiptar në Serbi, Nevzad Lutfiu, së bashku me deputetin e vetëm shqiptar në parlamentin serb, Shaip Kamberin, janë takuar me të Dërguarin Special të Bashkimit Evropian për dialogun, Miroslav Lajçak, të cilin e kanë njoftuar me sfidat me të cilat ballafaqohen shqiptarët e Luginës.
Lajmi u bë i ditur nga Lutfiu, përmes një postimi në rrjetin social Facebook, ku tha se diplomatin sllovak e kanë njoftuar për hezitimin dhe mogatishmërinë e shtetit serb për të integruar shqiptarët nëpër institucione shtetërore serbe e për gatishmërinë që sistemi shtetëror serb e ka treguar për pasivizimin e shqiptarëve.
“Mosintegrimi i shqiptarëve në institucione i bënë institucionet jokredibile e diskriminuese, ndërsa aplikimi i pasivizimit tendencioz në vendet ku jetojnë shqiptarët mundëson ndryshimin e strukturës etnike në ato vendbanime. Medvegja është shembulli më i mirë”, shkroi Lutfiu.
Mosintegrimi i shqiptarëve në institucione, sipas Lutfiut i bënë institucionet jokredibile e diskriminuese, ndërsa aplikimi i pasivizimit tendencioz në vendet ku jetojnë shqiptarët mundëson ndryshimin e strukturës etnike në ato vendbanime.
“Njoftuam Lajçak për rëndësinë dhe impaktin që për të diplomuarit nga Lugina do të kishte njohja e diplomave të Kosovës dhe se njohja e tyre do të nënkuptonte mundësi për një perspektivë të re për Luginën”.
Mungesa e vullnetit politik për ta zhvilluar Luginën e Preshevës ekonomikisht, në vlerësimin e Lutfiut, pasqyrohet më së miri me bojkotin total të shtetit në sjelljen e investitorëve në Preshevë, Bujanoc e Medvegjë.
“Prandaj edhe komunat e banuara me shqiptarë janë ndër komunat më të pazhvilluara në vend”.
“Infrastruktura e shkatërruar shkollore në shkollat ku mësimi zhvillohet në gjuhën shqipe, përskaj moslejimit të teksteve shkollore dhe mungesës së tyre në gjuhën shqipe, vëshirëson edhe më shumë procesin edukativo – arsimor tek nxënësit shqiptarë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet