Lumi i Shalës, “Tajlanda e Evropës”

Lumi i Shalës – “një perlë në Evropë” – është shumë i lehtë për t’u arritur dhe me një buxhet më pak të rënduar për këdo që racionon pushimet vjetore.

Kështu shkruhet në një artikull të fundit dedikuar turizmit në Shqipëri në faqen “LADbible”.

Pamjet dhe klipet piktoreske nga spotet e ndara në TikTok e bëjnë ‘të duket si Tajlandë’. “Dhe për të qenë të drejtë, me të vërtetë që ngjan ashtu”.

Vendi i lavdëruar, sipas artikullit – është Lumi i Shalës me ujërat e pastër kristal të rrethuar nga male të gjelbra të lezetshme teksa turistët kalojnë me kanoe.

“Zona është një lumë që përshkon Alpet Shqiptare në Shqipërinë veriore, ku njerëzit mund të bëjnë të gjitha llojet e argëtimeve, nga ecja dhe zip lining deri te snorkeling dhe noti apo edhe thjesht plazh”.

Në një nga spotet në TikTok, përdoruesit thuhet se komentuan duke thënë se është një “vend i bukur”.

Kurse një tjetër ka treguar se “ka qenë në Shqipëri shumë herë”. “Vendi im i preferuar i të gjitha kohërave dhe kam udhëtuar shumë”.

Të tjerë pranojnë se “menduan se ishte Tajlanda”, ndërsa të tjerët “nuk mund të besojnë se vende kaq të bukura ekzistojnë në të vërtetë”.

Arritja në Shqipëri nga Mbretëria e Bashkuar është relativisht e lehtë me aeroporte që ofrojnë fluturime direkte rreth tre orë ose më pak.

“Por sapo të arrini në Aeroportin e Tiranës, keni pak udhëtim për të shkuar te Lumi i Shalës”.

Sugjerohet të merret makinë me qira ose të rezervohet një autobus dhe më pas të merret varka për në vendin viral.

“Duke parë videot, duket se ia vlen – plus është akoma më e lehtë sesa të lëvizësh në Tajlandë”, vijon shkrimi.

@olam281

📍A hidden place in Albania that looks like Thailand ☀️ #hiddengems #placestovisit #hiddengemseurope #europesummer #cheapdestinations #albania #lumiishales #visitalbania

♬ Praise Jah in the Moonlight – Uzii BigTalk

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.