Sport

Lufta në Ukrainë: “Nuk kam ndjerë kurrë kaq shumë urrejtje”, e pranon tenistja bjelloruse Sabalenka


Numri dy i botës në tenis, Aryna Sabalenka, u ankua të martën se ishte përballur me “urrejtje” nga disa ukrainas në turneun e “WTA Indian Wells”, që përfundoi këtë të hëne ku ajo arriti që të dalë e dyta, duke u mposhtur në finale nga Elena Rybakina.

Sigurisht shkaku i urrejtjes duket të jetë lufta në Ukrainë, por ajo shtoi se nuk kishte ndjerë kurr më parë një urrejtje kaq të madhe.

“Ishte vërtet shumë e vështirë për mua, sepse kurrë nuk kisha hasur kaq shumë urrejtje në dhomat e zhveshjes”, tha bjellorusja.

Aryna Sabalenka foli të martën në Miami në margjinat e turneut ËTA, në përgjigje të një pyetjeje në lidhje me atë që ajo e përshkroi si “tensione” midis saj dhe lojtarëve ukrainase.

“Natyrisht në Instagram ka shumë njerëz që ju urrejnë sapo humbisni ndeshjet, por atë që kam përjetuar në dhomat e zhveshjes, nuk e kisha përjetuar asnjëherë më parë”, vazhdoi ajo.

“Nuk jemi grindur, por kemi pasur biseda të çuditshme, jo me vajzat, por me stafin e tyre. Vërtet ishte një kohë e vështirë, por tani është më mirë”, dëshmoi kampionja bjelloruse.

Sabalenka ka të drejtë të garojë në qarkun botëror, por pa flamur të Bjellorusisë (për shkak të sanksioneve).

“E kisha të vështirë të kuptoja se ka kaq shumë njerëz që më urrejnë pa asnjë arsye, pa arsye. Domethënë, nuk bëra asgjë,” këmbënguli fituesi i Australian Open.

Tenistja ukrainase, Lesia Tsurenko, kishte për t’u ndeshur më të në raundin e tretë të këtij turneu, por ajo vendosi të mos garonte duke thënë se pati një “sulm paniku” pas një bisede me CEO-n e saj, Steve Simon, i cili u përpoq të justifikonte faktin se rusët dhe bjellorusët nuk ishin të përjashtuar nga qarku.

Sabalenka pretendon se është më mirë tani: “E kuptova se nuk ishte faji im dhe se nuk u kisha bërë asnjë të keqe. Dhe jam i sigurt se atletët e tjerë rusë dhe bjellorusë nuk u kanë bërë asgjë ukrainasve”.

“Sapo kuptova se të gjitha këto janë emocione dhe duhet t’i injoroj ato, të përqendrohem te vetja. Nuk mund t’i kontrolloj emocionet e njerëzve të tjerë,” shpjegoi ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore