Shqipëria

Lufta ndaj krimit të organizuar dhe korrupsionit kërkon koordinimin e shumë faktorëve, thotë ambasadori i BE-së


Ambasadori i Bashkimit Evropian në vendin tonë Silvio Gonzato ka deklaruar se Shqipëria është më pranë Bashkimit Evropian (BE).

Gjatë një takimi me donatorët – të zhvilluar këtë të enjte të 20 qershorit –  Gonzato u shpreh se lufta ndaj krimit të organizuar dhe korrupsionit kërkon koordinimin e shumë faktorëve.

Sipas tij, me rëndësi mbetet zbatimi i ligjeve, ndërsa theksoi se BE “e mbështesim Shqipërinë jo vetëm me fonde por edhe me ekspertizë”.

“Përmirësimi i koordinimit të donatorëve në këtë rrugëtim kërkon edhe hapa të reja në këtë drejtim. Ky është një hap i mirë. BE do t’ju mbështesë në këtë hap, Shqipëria është më pranë BE dhe kjo është arsye pse ne jemi këtu sot”.

Për diplomatin evropian, ambasada sikundër partnerët e BE dhe përtej BE bashkojnë përpjekjet në lidhje me reformat për zbatimin e shtetit të së drejtës.

“Një vend më i sigurt thith investitorë dhe ushqen zhvillimin ekonomik. Do të flasim edhe për sfidat me të cilat përballet Shqipëria në lidhje me infiltrimin e grupeve kriminale”.

Më tej në fjalën e tij, Gonzato u shpreh se vlerësimi i rrezikut për financimin e terrorizimit dhe pastrimin e parave në 2023 Shqipërinë e identifikon si zonë me rrezik të lartë.

“Lufta ndaj krimit të organizuar dhe korrupsionit kërkon koordinimin e shumë faktorëve nga shoqëria civile dhe aktorë privat”.

Sa i takon projektligjit për ngritjen e zyrës për rikuperimin e aseteve të krimit, Gonzato tha se ai po diskutohet me shërbimet përkatëse.

“Kyç mbetet zbatimi i ligjeve dhe ne e mbështesim Shqipërinë jo vetëm me fonde por edhe me ekspertizë. Unë kërkoj një koordinim të asistencës se donatorëve”.

Në përfundim ai u shpreh se përmirësimi i koordinimit të donatorëve në këtë rrugëtim kërkon edhe hapa të reja në këtë drejtim.

“Ky është një hap i mirë. BE do t’ju mbështesë në këtë hap, Shqipëria është më pranë BE dhe kjo është arsye pse ne jemi këtu sot”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore