Kalendari

Loriana Kuka: Shpresoj te kthehem me një medalje


Loriana Kuka është xhudistja e fundit nga ekipi Olimpik i Kosovës, që do të garojë në Lojërat Olimpike “Tokyo 2020”.

Loriana Kuka e cila bënë pjesë në kategorinë deri në 78 kilogramë, do të zhvillojë luftën e saj këtë të enjte me rreth orës 5 të mëngjesit (në kohën tonë lokale).

Raundin e parë, Kuka e kalon pa luftë të zhvilluar, teksa në të dytin do të përballet me fituesen e meçit mes xhudistes nga Kongo, Marie Branser dhe ruses Aleksandra Babintseva.

Komiteti Olimpik i Kosovës ka publikuar një intervistë të xhudistes kosovare, e cila shpreson të ketë sukses në garën e nesërme.

“Për mua ka qenë gjithmonë ëndërr të marr pjesë në Olimpiadë, shpresoj edhe të kthehem me medalje, siq ka qef çdo sportist. Besoj në punën tonë, kështu që jam e qetë” tha ndër tjerash Loriana Kuka.

Kujtojmë që Kosova deri në tani ka fituar dy medalje të arta në Lojërat Olimpike të Tokios, përmes xhudistëve Distria Krasniqit dhe Nora Gjakovës.

/Albanianpost.com


Lajmet kryesore