![](https://albanianpost.com/wp-content/uploads/2024/07/wcup_france_poland_soccer_85e8ee49095e8d3cfd47e2c2f0622c19.jpg)
Të gjithë e dinë mirë se cilët janë futbollistët më të paguar në Evropë, por emri që kryeson listën mund t’ju habisë.
Futbollistët e nivelit elitar janë tepër të paguar mirë, edhe pse jo shumë prej tyre janë ndër sportistët më të paguar në planet.
Ata që paguhen më shumë nuk luajnë në Evropë (por në Arabinë Saudite tashmë), por kjo nuk do të thotë se emrat më të mëdhenj në Champions League po fitojnë pak.
Të pritshmit e zakonshëm janë të gjithë në “top 20”, por numri një mund të jetë surprizë.
Të gjitha pagat e paraqitura nuk përfshijnë bonuset dhe bazohen në të dhënat e publikuara nga “Capology” dhe të ndara nga “Transfermarkt”.
Kylian Mbappe ishte, deri pak kohë më parë, futbollisti më i paguar në Evropë. Francezi fitonte rreth 60 milionë paundë në vit te Paris Saint-Germain, dhe kjo është para se të merren parasysh bonuset.
Megjithatë, që kur u largua nga kampionët e Ligue 1 për Real Madrid-in, 25-vjeçari ka rënë në vendin e tretë në listë me një pagë vjetore prej 26.3 milionë paundë (bruto).
Kjo për shkak se mesfushori i Barcelona-s, Frenkie de Jong fiton 31.5 milionë paundë bruto në vit në “Camp Nou”, duke e bërë atë futbollistin më të paguar në Evropë.
Shoku i skuadrës së holandezit, Robert Lewandowski është ylli tjetër më i paguar, duke marrë në shtëpi pak më shumë se 28 milionë paundë çdo sezon në Katalonjë.
Ka një hendek midis Mbappe-s dhe kapitenit të Anglisë, Harry Kane, i cili paguhet afërsisht 21 milionë paundë në vit nga Bayern Munich.
Më pas në renditje janë dyshja e Manchester City-t, Kevin de Bruyne dhe Erling Haaland, të cilët paguhen respektivisht 20.8 dhe 19.5 milionë paundë në sezon.
Haaland është një rast i rrallë pasi raportohet se fiton më shumë përmes bonuseve (24.7 milion paundë) sesa paga bazë.
Mbrojtësi i Real Madrid-it, David Alaba merr në shtëpi 18.9 milionë paundë dhe sulmuesi i Juventus-it, Dusan Vlahovic fiton 18.7 milionë paundë, ndërsa dyshja e Premier League, Mohamed Salah dhe Casemiro përfundojnë “top 10”-shen me të dy 18.2 milionë paundë në sezon.
Paga prej 17.6 milionë paundë e Manuel Neuer të Bayern Munich-ut e bën atë portierin më të paguar në botë, një titull i mbajtur nga David de Gea derisa u largua nga Manchester United në 2023.
Dyshja e “Los Blancos” Jude Bellingham dhe Vinicius Junior thuhet se fitojnë 17.5 milionë paundë çdo vit.
20 futbollistët më të paguar në Evropë janë (pagat bruto):
1: Frenkie de Jong – 31.5 milionë paundë;
2: Robert Lewandowski – 28 milionë paundë;
3: Kylian Mbappe – 26.3 milionë paundë;
4: Harry Kane – 21 milionë paundë;
5: Kevin De Bruyne – 20.8 milionë paundë;
6: Erling Haaland – 19.5 milionë paundë;
7: David Alaba – 18.9 milionë paundë;
8: Dushan Vlahovic – 18.7 milionë paundë;
9: Mohamed Salah – 18.2 milionë paundë;
10: Casemiro – 18.2 milionë paundë;
11: Manuel Neuer – 17.6 milionë paundë;
12: Jude Bellingham – 17.5 milionë paundë;
13: Vinicius Junior – 17.5 milionë paundë;
14: Jan Oblak – 17.5 milionë paundë;
15: Thomas Muller – 17.2 milionë paundë;
16: Romelu Lukaku – 16.9 milionë paundë;
17: Raheem Sterling – 16.9 milionë paundë;
18: Leroy Sane – 16.8 milionë paundë;
19: Ousmane Dembele – 16.8 milionë paundë;
20: Joshua Kimmich – 16.4 milionë paundë.
Zbulohet lista e 10 lojtarëve më të paguar në Ligën Pro Saudite
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com