Përveç derbit, në BKT Superligën e Kosovës u zhvilluan edhe dy ndeshje tjera shumë të rëndësishme.
Në Skenderaj, Drenica dhe Llapi ishin nikoçire të plot tetë golave, në një ndeshje spektakolare.
Të parët që kaluan në epërsi ishin Drenica, me anë të Kreshnik Ukës, që do ishte edhe njeriu më i spikatur i takimit.
Pjesa e parë u mbyll me epërsinë e Drenicës, që u duk se po kthehej te fitorja, derisa Llapi aktivizoi forcën e vërtetë në pjesën e dytë.
Fillimisht ishte Prenci në minutën e 47-të që shënoi për 1-1, dhe pastaj me radhë.
Rivera në të 52-ën, Veliu në të 58-ën, Firmino në të 68-ën dhe Idrizi në të 72-ën shënuan katër gola, për rezultatin 1-5.
Më pas, Llapi u shlirua derisa Kreshnik Uka gjeti edhe dy gola për të kompletuar tre golëshin personal.
Në ndeshjen tjetër, edhe pse me pak vështirësi, Ballkani arriti fitore shumë të rëndësishme përballë Malishevës.
Albion Rrahmani dhe Ermal Krasniqi ishin heronjtë e Ballkanit, duke shënuar dy gola në minutat përmbyllëse të ndeshjes.
Pas 15 javësh, tabela e Superligës duket kështu:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
