Lizzo njoftoi “tërheqjen nga muzika”, por u rikthye menjëherë për të promovuar koleksionin e ri të rrobave të saj të banjos

Rep artistja Lizzo u kthye në qendër të vëmendjes sërish – vetëmpak ditë pasi ajo pretendoi se po largohej nga industria e muzikës.

Krijuesja e hitit “Juice”, tronditi fansat teksa zbuloi se po e linte pas famën pasi ishte “lodhur duke u tërhequr zvarrë nga të gjithë” dhe duke u kritikuar “për shkak të pamjes”, shkruan DailyMail, transmeton AlbanianPost.

Megjithatë, vetëm tre ditë më vonë pasi deklaroi se po largohej, Lizzo u rikthye në rrjetet sociale duke promovuar rrobat e saj të banjës “Yitty”.

“Gjithçka që dua është të bëj muzikë dhe t’i bëj njerëzit të lumtur dhe të ndihmoj botën të jetë pak më e mirë se sa e gjeta unë. Por unë kam filluar të ndihem sikur bota nuk më do mua në të”, kishte thënë ajo.

“Unë jam vazhdimisht kundër gënjeshtrave që thuhen për mua për ndikimin dhe pamjen, duke qenë objekti i shakasë çdo herë për shkak të pamjes sime. Karakteri im po zgjidhet nga njerëz që nuk më njohin dhe nuk e respektojnë emrin tim. Po largohem”, shtoi ajo.

Postimi i saj erdhi vetëm një ditë pasi avokati i tre ish-balerinëve të Lizzo-s që më parë e paditi atë për ngacmim seksual dhe e kritikoi presidentin Joe Biden që e la të performonte në mbledhjen e fondeve prej 25 milionë dollarësh në Radio City.

Vitin e kaluar në gusht, artistja e muzikës u padit veçanërisht nga tre nga ish-balerinët e saj – Arianna Davis, Crystal Williams dhe Noelle Rodriguez – të cilët e akuzuan atë për ngacmim seksual, si dhe krijimin e një mjedisi armiqësor pune.

Avokati i tyre, Ron Zambrano, tha për NewsNation në lidhje me performancën e Lizzos në Radio City se, “është e turpshme që Lizzo të zgjidhet për të kryesuar një ngjarje si kjo mes akuzave të tilla skandaloze”.

“Pa hyrë në politikë, nuk mund ta imagjinoj pse dikush do të donte që Lizzo t’i përfaqësonte në ndonjë mënyrë, duke pasur parasysh sjelljen e saj të dënueshme. Është thjesht një vështrim i tmerrshëm”, shtoi ai.

Ish-balerinët kishin akuzuar gjithashtu Lizzo-n në padinë e paraqitur në gusht për turpërim të peshës dhe pretenduan se ishin detyruar të preknin një interpretues nudo ndërsa ishin në një klub striptizmi në Amsterdam.

Dokumenti thoshte se treshja akuzoi gjithashtu krijuesen e hitit të “Truth Hurts” se dyshohet se “i ka ftuar anëtarët e kastit të prekin me radhë interpretuesit nudo”, brenda klubit.

Lizzo dëshiron të braktisë muzikën, thotë se po e ndihet sikur “bota nuk po e do”

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.