Një serb me inicialet Delibor Spasiç, i dyshuar për sulm ndaj gazetarëve në Zveçan është liruar nga paraburgimi.
Lajmin e ka konfirmuar për mediumin serb Kossev, avokati i tij Srdan Mitroviç.
“Sot rreth orës 15:10, pas pagesës së garancisë, gjyqtari ka dhënë urdhër në burgun e Podujevës që D.S. të lirohet. Për disa orë ai do të jetë në Mitrovicë dhe do të mund të mbrohet në liri”, tha Mitroviç.
“Ne si mbrojtje kemi paraqitur kërkesë që ai të lirohet me kusht dhe gjyqtari i procedurës paraprake e ka pranuar atë propozim”.
Ai ka treguar se klienti i tij është trajtuar mirë nga policia sa kishte qëndruar në paraburgim.
Dy ditë më parë, Gjykata Themelore në Mitrovicë ka konfirmuar lirimin edhe të serbit tjetër Nemanja Vllaskoviç-it, njëri nga të dyshuarit për sulme ndaj gazetarëve në Veri të Kosovës.
Zëdhënësja e Gjykatës në Mitrovicë, Lumnije Surdulli, ka thënë se Vllaskoviçi është liruar pasi ka paguar dorëzaninë.
Arrestimi e tij më 16 qershor e kishte njoftuar vetë ministri i Punëve të Brendshme, Xhelal Sveçla, përmes një postimi në rrjetin e tij social në Facebook, ndërsa kishte thënë se Vllaskoviç-i do të ballafaqohet me drejtësi për sulmin e kryer ndaj gazetarëve në Komunën e Leposaviqit mëe 29 maj.
“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskoviç do të ballafaqohet me drejtësi për sulmet e kryera ndaj gazetarëve tanë”, kishte njoftuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel